TRENDING:
സമൂഹം അവഗണിച്ചവര്ക്കുവേണ്ടിയുള്ള പോരാട്ടമായിരുന്നു കെ ജയചന്ദ്രന്റെ മാധ്യമപ്രവര്ത്തന ജീവിതം. നിരവധി വാര്ത്തകളിലൂടെയും ഏഷ്യാനെറ്റ് ന്യൂസിലെ കണ്ണാടിയെന്ന പ്രതിവാര വാര്ത്താപരിപാടിയില് വന്ന മനുഷ്യപ്പറ്റുള്ള റിപ്പോര്ട്ടുകളിലൂടെയും കേരളത്തിന്റെ മനസാക്ഷിയെ ഉണർത്താൻ അദ്ദേഹത്തിന് കഴിഞ്ഞു.
ജലസംരക്ഷണത്തിലും പരിസ്ഥിതി സംരക്ഷണത്തിലും സവിശേഷമായ സംഭാവനകള് നല്കിയ ഡോ. രാജേന്ദ്രപ്രസാദ് മുന്നോട്ടുവെച്ച വിവിധ പദ്ധതികളും വന്കിട അണക്കെട്ടുകള്ക്കെതിരായുള്ള സമരങ്ങളും ആഗോള തലത്തില് അംഗീകരിക്കപ്പെട്ടതാണ്. മഗ്സസെ പുരസ്കാരവും സ്റ്റോക്ക്ഹോം വാട്ടര് പ്രൈസും അദ്ദേഹത്തെ തേടിയെത്തിയിട്ടുണ്ട്. ഡോ. രാജേന്ദ്രപ്രസാദ് രൂപം നല്കിയ തരുണ് ഭാരത് സംഘ് രാജസ്ഥാനിലെയും വരള്ച്ച നേരിടുന്ന വിവിധ പ്രദേശങ്ങളിലെയും ജനസംരക്ഷണത്തിന് സ്തുത്യര്ഹമായ സേവനങ്ങളാണ് നല്കുന്നത്. കര്ഷക സമരത്തെ വിജയ പ്രാപ്തിയില് എത്തിക്കുന്നതില് രാജേന്ദ്രപ്രസാദിന്റെ സംഭാവനകള് വലുതാണ്. വിവാദമായ കാര്ഷിക നിയമങ്ങള് ഭരണകൂടത്തിന് പിന്വലിക്കേണ്ടി വന്ന സാഹചര്യത്തെക്കുറിച്ചും കര്ഷക പോരാട്ടങ്ങളുടെ വര്ത്തമാനത്തെയും ഭാവിയെയും കുറിച്ച് ഡോ. രാജേന്ദ്രപ്രസാദ് സംസാരിക്കും. വിശദവിവരങ്ങള്ക്ക്: ഫോണ്: 9747400106
advertisement
Click here to add News18 as your preferred news source on Google.