'ആലപ്പുഴ പാവപ്പെട്ടവർ ഏറെയുള്ള ജില്ല, എയിംസിനു വേണ്ടി ഏറെക്കാലമായി കാത്തിരിക്കുന്നു'; സുരേഷ്ഗോപിയെ പിന്തുണച്ച് കെ.സി. വേണുഗോപാൽ

"ആലപ്പുഴയിൽ എയിംസ് എന്നത് കേന്ദ്രമന്ത്രിയുടെ പ്രഖ്യാപനമായിട്ടാണ് കാണുന്നത്," വേണുഗോപാൽ പറഞ്ഞു. എയിംസിനുവേണ്ടി സംസ്ഥാനം ഏറെക്കാലമായി കരഞ്ഞു കാത്തിരിക്കുകയാണ്. ഇതുപോലൊരു വിവേചനം മറ്റൊരു സംസ്ഥാനത്തിനും ഉണ്ടായിട്ടില്ല. ആലപ്പുഴയിൽ എയിംസ് എന്ന ആവശ്യവുമായി സുരേഷ് ഗോപി മുന്നോട്ട് വന്നാൽ എല്ലാ പിന്തുണയും നൽകും. ആലപ്പുഴയിൽ സ്വകാര്യമേഖലയിൽ പോലും പ്രധാന ആശുപത്രികളില്ലെന്നും, സർക്കാർ വിചാരിച്ചാൽ എയിംസിനായി സ്ഥലം നൽകാൻ സാധിക്കുമെന്നും അദ്ദേഹം കൂട്ടിച്ചേർത്തു.