മാതൃകാപരമായ പ്രവർത്തനങ്ങളിലൂടെ മുന്നിലെത്തി ചക്കരക്കല്ല് പോലീസ് സ്റ്റേഷൻ

കണ്ണൂര്‍ സിറ്റി പോലീസ് കമ്മിഷണര്‍ പി. നിധിന്‍ രാജില്‍ നിന്ന് ചക്കരക്കല്ല് ഇന്‍സ്‌പെക്ടര്‍ എം.പി. ഷാജി ട്രോഫി ഏറ്റുവാങ്ങി. ഓഫീസിലെ ഫയലുകള്‍ അടുക്കും ചിട്ടയോടും കൂടി സൂക്ഷിക്കല്‍, കേസ് ഫയലുകളും മറ്റു വിവരങ്ങളും കൃത്യമായ രീതിയിലും യഥാവിധിയിലും കോടതിയില്‍ കൈമാറല്‍, സ്റ്റേഷനും പരിസരവും ശുചീകരിക്കല്‍, ഉപകരണമടക്കമുള്ളവയും സ്റ്റേഷൻ്റെ മറ്റ് ആസ്തികള്‍ യഥാവിധി സൂക്ഷിക്കുകയും സംരക്ഷിക്കുകയും ചെയ്യുക തുടങ്ങിയ കാര്യങ്ങള്‍ മികച്ചരീതിയില്‍ കൈകാര്യം ചെയ്തതിനാണ് അംഗീകാരം ലഭിച്ചത്.