ഇവിടെയുണ്ട് പുഴുക്കളിലെ ചുള്ളൻ, കറക്കം കൂളിങ് ഗ്ലാസ് അണിഞ്ഞ്... കൗതുക ചിത്രം പകർത്തി കണ്ണൂർ സ്വദേശി ഷാഫി

അരളിയില്‍ കൂടുതലായി കണ്ടു വരുന്ന ഈ പുഴുവിന് കടും പച്ച, ഒലിവ് എന്നീ നിറങ്ങള്‍ ഇട കലര്‍ന്നിരിക്കുന്നു. കൂളിംങ് ഗ്ലാസ് ധരിച്ച പോലെ തല, ഉടലിലെ അഗ്രഭാഗത്ത് കൊമ്പ് എന്നീ സവിശേഷതയുള്ള പുഴുവിന് വിഷ സസ്യമായ അരളിയിലെ വിഷം പ്രതിരോധിക്കാന്‍ സാധ്യമാണ്.

വിവിധ ഘട്ടങ്ങളിലൂടെ ശലഭമായി രൂപാന്തരപ്പെടുന്ന ഈ പുഴു, പ്യൂപ്പയാവുന്ന സമയത്തിന് തൊട്ടുമുന്‍പ് തവിട്ട് നിറത്തിലേക്ക് മാറും. പിന്നീട് ശലഭമായി രൂപാന്തരപ്പെടുമ്പോള്‍ പട്ടാള യൂണിഫോമിന് സാദൃശ്യമേകുന്ന പച്ചയും തവിട്ടും ഇടകലര്‍ന്ന നിറത്തിലേക്ക് മാറും. ചിറക് വിടര്‍ത്തി പറക്കാന്‍ ഒരുങ്ങുന്ന പൂമ്പാറ്റ ത്രികോണ രൂപത്തിലേക്ക് മാറുന്നതും കാണാം. ഏതായാലും പുഴു കൂളിംങ് ഗ്ലാസ് ഇട്ടു നില്‍ക്കുന്ന കൗതുകമാണ് ചിത്രം പങ്കുവയ്ക്കുന്നത്.

advertisement