നോമ്പു തുറ ഉത്സവമാക്കി കുരുന്നുകൾ, കൂട്ടിന് നാടും

ഓരോ കുട്ടികളും നിശ്ചിത തോതില്‍ വിഭവങ്ങള്‍ കൊണ്ടുവരണമെന്ന അധ്യാപകരുടെ നിര്‍ദേശം രക്ഷിതാക്കള്‍ ശിരസ്സാല്‍ വഹിച്ചു. വീട്ടില്‍ നിന്ന് സ്വയം പാകം ചെയ്തും കടകളില്‍ നിന്ന് വാങ്ങിയും വിഭവങ്ങള്‍ സ്‌കൂളിലെത്തിച്ചു. തുടര്‍ന്ന് എല്ലാവര്‍ക്കുമായി വിഭവങ്ങള്‍ തുല്യമായി ഭാഗിച്ച് പ്ലെയ്റ്റിലാക്കി. നിരന്നിരയായി പ്ലെയ്റ്റുകളില്‍ ഉന്നക്കായ, കല്ലുമ്മക്കായ്, ഇറച്ചിപത്തല്‍, കായ്‌പ്പോള, കാരക്ക, മുന്തിരി, തണ്ണിമത്തന്‍ എന്നിങ്ങനെ അടുക്കിവെച്ചു, ബാങ്കുവിളിക്ക് പിന്നാലെ കുരുന്നുകളും രക്ഷിതാക്കളും നാട്ടുകാരും ഒരുമിച്ച് നോമ്പുതുറന്നു.

കണ്ണിന് ഏറെ കുളിർമ നൽകുന്ന മുഹൂർത്തമായി ഗണപതി സ്കൂളിലെ നോമ്പുതുറ മാറി. സ്കൂളിലെ പ്രധാന അധ്യാപിക മുതൽ ക്ലാസിലെ പ്രായം കുറഞ്ഞ കുരുന്നു വരെ ഒരുമിച്ചിരുന്ന് നോമ്പ് തുറയിൽ പങ്കാളിയായി.

advertisement