പതിറ്റാണ്ടുകളുടെ കാത്തിരിപ്പിന് സമാപ്തി, കൊടുവള്ളി റെയില്‍വേ മേല്‍പ്പാലം മുഖ്യമന്ത്രി നാടിന് സമര്‍പ്പിച്ചു

314 മീറ്റര്‍ നീളമുള്ള മേല്‍പാലത്തിന് 2 വരി റോഡും ഫുട്പാത്തും ഉള്‍പ്പെടെ 10.05 മീറ്ററാണ് വീതി. 7.5 മീറ്ററാണ് കാര്യജ് വേ. സമീപത്തെ ആളുകള്‍ക്ക് പ്രവേശനത്തിനായി ദേശീയപാത ഭാഗത് 4 മീറ്റര്‍ വീതിയില്‍ ഡ്രൈയിനേജോട് കൂടി 210 മീറ്റര്‍ നീളത്തില്‍ സര്‍വ്വീസ് റോഡ് നിര്‍മ്മിച്ചിട്ടുണ്ട്.

സ്റ്റീല്ഡ കോണ്‍ക്രീറ്റ് കോമ്പോസിറ്റ് സ്ട്രക്ചറായാണ് നിര്‍മ്മാണം. കേരളത്തില്‍ ഇത്തരത്തിലുള്ള പദ്ധതി ആദ്യത്തേതാണ്. 36.37 കോടി രൂപയാണ് നിര്‍മ്മാണച്ചെലവ്. മേല്‍പാലം തുറന്നു കൊടുക്കുന്നതോടെ ദേശീയപാതയില്‍ അപകടങ്ങള്‍ ഒഴിവാക്കാന്‍ ട്രാഫിക് ഐലന്‍ഡും ഒരുക്കുന്നതിനുള്ള നിര്‍മ്മാണം പുരോഗമിക്കുകയാണ്. പാലം തുറന്ന് നൽകിയതോടെ മണിക്കൂറുകൾ നീണ്ട ഗതാഗത കുരുക്കിനാണ് അന്ത്യമായത്. വികസന കുതിപ്പിലേക്ക് ഉയരുന്ന തലശ്ശേരി പൈതൃക നഗരത്തിൻ്റെ മുഖഛായയാണ് ഇതിലൂടെ മുന്നേറുന്നത്.

advertisement