15520 ഓർഡറുകളുമായി കഴിഞ്ഞ വർഷത്തിൻ്റെ ഇരട്ടിയിലധികം വരുമാനം; ഓണ സദ്യയിൽ റെക്കോർഡ് തീർത്ത് കണ്ണൂർ കുടുംബശ്രീ

25 വിഭവങ്ങളുമായ്‌ എത്തുന്ന 349 രൂപയുടെ പ്രീമിയം ഓണ സദ്യയും 199 രൂപയുടെ ഓണ സദ്യയും, 149 രൂപയുടെ മിനി ഓണ സദ്യയും ആണ് യൂണിറ്റുകൾ നൽകിയത്. തളിപ്പറമ്പ് ഇരിക്കൂർ, പയ്യന്നൂർ, കണ്ണൂർ, പേരാവൂർ, കൂത്തുപറമ്പ്, എടക്കാട്, ഇരിട്ടി, പാനൂർ, തലശ്ശേരി, കല്ല്യാശ്ശേരി എന്നീ ബ്ലോക്കുകൾ കേന്ദ്രീകരിച്ച് കാൾ സെൻ്ററുകൾ വഴിയാണ് ഓർഡറുകൾ സ്വീകരിച്ച് ഡെലിവറി ചെയ്തത്.

25 വിഭവങ്ങളുമായ് എത്തിയ പ്രീമിയം ഓണ സദ്യക്കാണ് കൂടുതൽ ഓർഡറുകൾ ലഭിച്ചത്. കുടുംബശ്രീ ഓണ സദ്യ വലിയ വിജയമായതോടെ അടുത്ത വർഷം സി ഡി എസുകൾ കേന്ദ്രീകരിച്ചു കൊണ്ട് ജില്ല മുഴുവൻ ആയി സദ്യ എത്തിക്കാനുള്ള ഒരുക്കത്തിലാണ് കുടുംബശ്രീ ഭക്ഷ്യ യൂണിറ്റുകൾ.

advertisement