സ്വാതന്ത്യ ദിനാഘോഷത്തിന് മുന്നോടിയായി ഏഴിമലയിൽ ഇന്ത്യൻ നാവികസേനാ ബാൻഡിൻ്റെ സംഗീതവിരുന്ന്

നാവിക സേനാ ഗാനമായ 'ഹർ ദം തയ്യാർ ഹേ' നാവിക സിവിലിയൻ ഗാനമായ 'ജീ ജാൻ ലഗൻ സേ' എന്നിവ നേരിട്ട് ആസ്വദിക്കാനുള്ള അപൂർവ്വ അവസരം ആയിരുന്നു പൊതുജനങ്ങൾക്ക് ലഭ്യമായത്. ബാൻഡ് വാദ്യങ്ങൾക്കൊപ്പം ഹിന്ദി, മലയാളം ഗാനങ്ങൾ സമന്വയിപ്പിച്ചുകൊണ്ടുള്ള സംഗീത പ്രകടനവും ഉണ്ടായിരുന്നു. ഒരു മണിക്കൂർ നീണ്ടുനിന്ന പരിപാടിയിൽ ദേശ സ്നേഹം ഊട്ടിയുറപ്പിക്കുന്ന ഗാനങ്ങളാണ് കോർത്തിണക്കിയത്.

നാവിക സേനാ സംഗീതജ്ഞരും മാസ്റ്റർ ചീഫ് പെറ്റി ഓഫീസർമാരുമായ പി കെ ബിശ്വാസ്, അരുൾ ആരോക്യരാജ് എന്നിവരുടെ നേതൃത്വത്തിലുള്ള സംഘമാണ് സംഗീത പ്രകടനം കാഴ്ചവച്ചത്.

advertisement