ഓണത്തിന് ശുദ്ധ മത്സ്യം: കണ്ണൂരിൽ ‘നല്ലോണം മീനോണം’ പദ്ധതി വിജയകരം

ഓരോ കര്‍ഷകരുടെ വിളവെടുപ്പും അതാത് പഞ്ചായത്തിലെ ജനപ്രതിനിധികള്‍ ഉദ്ഘാടനം ചെയ്തു. കരിമീന്‍, തിലാപ്പിയ, കാര്‍പ്പ് മത്സ്യങ്ങള്‍, ചെമ്മീനുകള്‍, ആസാം വാള, വരാല്‍ തുടങ്ങിയ മത്സ്യങ്ങളാണ് പ്രധാനമായും വിളവെടുത്തത്. നല്ലോണം മീനോണം പദ്ധതി പ്രകാരം കല്ല്യാശ്ശേരി പഞ്ചായത്തിലെ ഇവി കബീര്‍ എന്ന കര്‍ഷകന്‍ വിറ്റത് 3000 കിലോ ഗ്രാം ചെമ്മീനാണ്.

മത്സ്യ കര്‍ഷകര്‍ക്ക് വിപണന സാധ്യത ഒരുക്കികൊടുക്കുക എന്നതാണ് ഫിഷറീസ് വകുപ്പ് പദ്ധതിയിലൂടെ ലക്ഷ്യമിട്ടത്. പ്രധാനമന്ത്രി മത്സ്യ സമ്പദ് യോജന, ജനകീയ മത്സ്യകൃഷി എന്നിവയും തദ്ദേശ സ്വയംഭരണ സ്ഥാപനങ്ങളിലൂടെ നടപ്പാക്കുന്ന ഒരു മീന്‍ തോട്ടം പദ്ധതിയും മറ്റ് സ്വകാര്യ മത്സ്യകര്‍ഷകരുടെയും മത്സ്യങ്ങളാണ് വിളവെടുത്തത്.

advertisement