TRENDING:
'കേരള ചരിത്രം തിരുത്തിയെഴുതാന് ഈ തെരഞ്ഞെടുപ്പിലൂടെ കഴിഞ്ഞു. എല്ഡിഎഫ് സര്ക്കാരിന് തുടര്ഭരണം ലഭിക്കാനും അതില് കേരള കോണ്ഗ്രസിന് പങ്ക് ചെരാനും കഴിഞ്ഞതില് അഭിമാനമുണ്ട്. പാലയിലെ പരാജയം അംഗീകരിക്കുന്നു'ജോസ് കെ മാണി പറഞ്ഞു.
എന്നാല് യുഡിഎഫ് സ്ഥാനാര്ഥിയായ മാണി സി കാപ്പന്റെ വിജയത്തിന് പിന്നില് വലിയ വോട്ട് കച്ചവടം ഉണ്ട്. ബിജെപിയുമായി വോട്ട കച്ചവടം നടത്തിയെന്ന് ജെസ് കെ മാണി ആരോപിച്ചു. സംസ്ഥാന ശ്രദ്ധ ആകര്ഷിച്ച പോരാട്ടത്തില് ജോസ് കെ മാണിയെ പതിമൂവായിരം വോട്ടിനാണ് പരാജയപ്പെടുത്തിയത്. തെരഞ്ഞെടുപ്പ് ഫലം അറിഞ്ഞതിനു ശേഷം കാപ്പന് കേക്ക് മുറിച്ച് പ്രവര്ത്തകരോടൊപ്പം വിജയഘോഷം നടത്തുകയും ചെയ്തു.
advertisement
അതേസമയം സംസ്ഥാനത്ത് ചരിത്രം കുറിച്ച് ഇടതുപക്ഷ ജനാധിപത്യമുന്നണിയുടെ തുടര് ഭരണം ഉറപ്പാക്കുന്ന ഫലമാണ് പുറത്തുവരുന്നത്. 90ല് ഏറെ സീറ്റുകളില് വിജയിക്കുമെന്ന നിലയിലേക്കാണ് എല്ഡിഎഫിന്റെ മുന്നേറ്റം. 40 വര്ഷത്തെ ചരിത്രമാണ് എല് ഡി എഫ് തിരുത്തി കുറിക്കുന്നത്. മുന്നണികള്ക്ക് മാറി മാറി അവസരം നല്കിയിരുന്ന കേരളം ജനത ഇക്കുറി ഇടതിനൊപ്പം തന്നെ നിലയുറപ്പിച്ചു. 2: 50 വരെയുള്ള വിവരമനുസരിച്ച് 92 സീറ്റുകളിലാണ് എല്ഡിഎഫ് മുന്നിട്ടുനില്ക്കുന്നത്. 426സീറ്റുകളില് മാത്രമാണ് യുഡിഎഫിന് ലീഡുള്ളത്. ഒരു സീറ്റുകളില് പോലും എന്ഡിഎയ്ക്ക് ലീഡില്ല.
Click here to add News18 as your preferred news source on Google.