കെവിൻ വധം: പിരിച്ചുവിടാൻ നോട്ടീസ് നൽകിയ എസ് ഐയെ സർവീസിൽ തിരിച്ചെടുത്തു

• 'രാഹുൽ അധ്യക്ഷ സ്ഥാനത്ത് തുടരണം'; BJP അക്കൗണ്ട് തുറക്കാത്ത കേരളത്തെ കണ്ട് ഇന്ത്യ പഠിക്കണമെന്ന് ശശി തരൂർ

കെവിന്റെ വധത്തെ തുടർന്ന് ഷിബുവിനെ സസ്പെൻഡ് ചെയ്യുകയായിരുന്നു. കെവിനെ ഒരു സംഘം തട്ടിക്കൊണ്ടുപോയതായി കോട്ടയം ഗാന്ധിനഗർ സ്റ്റേഷനിലെത്തി ഭാര്യ നീതു പരാതി നൽകിയിട്ടും കെവിനെ കണ്ടെത്തുന്നതിന് ആവശ്യമായ നടപടി സ്വീകരിച്ചില്ലെന്ന് കണ്ടെത്തിയതിനെ തുടർന്നാണ് എസ് ഐ ഷിബുവിനെ അന്വേഷണ വിധേയമായി സസ്പെൻഡ് ചെയ്തത്.

advertisement

ഷിബുവിന് ചുമതല നൽകുന്ന കാര്യത്തിൽ എസ് പി തീരുമാനമെടുക്കുമെന്നാണ് വിവരം. എസ്ഐയെ തിരിച്ചെടുക്കുന്നതിൽ പ്രതിഷേധിച്ച് കെവിന്റെ കുടുംബം രംഗത്തെത്തി. സംഭവത്തിൽ മുഖ്യമന്ത്രിക്ക് പരാതി നൽകുമെന്ന് കെവിന്റെ പിതാവ് പ്രതികരിച്ചു.