ആദ്യ മത്സരത്തിൽ തന്നെ വിജയകിരീടം; എം.ജി കലോത്സവത്തിൽ നങ്ങ്യാർകൂത്തിൽ ഒന്നാമതായി ആരതി സജീവ്

മത്സരവേദിയിൽ നരസിംഹാവതാരം ചെയ്താണ് ഒന്നാമത് എത്തിയത്. വിഷ്ണുവിനെ തൻ്റെ മകനായിരിക്കുന്ന പ്രഹളാദൻ സ്തുതിയ്ക്കുന്ന വിവരം അറിഞ്ഞ് കുപിതനായി ഭഗവാനെ നിന്ദിക്കുകയും ഭഗവാൻ നരസിംഹമായി അവതരിച്ച് ഹിരണ്യകശിപുവിനെ മാറുപിളർന്ന് നിഗ്രഹിക്കുന്ന ഭാഗമാണ് മത്സരവേദിയിൽ ആരതി അവതരിപ്പിച്ചത്. ഗുരു മാർഗി മധു ചാക്യാരുടെയും ഡോ. ഇന്ദു ജി യുടെയും കീഴിൽ മൂഴിക്കുളം നേപഥ്യയിൽ പത്തു വർഷമായി കൂടിയാട്ടം അഭ്യസിക്കുകയാണ് ആരതി. എളവൂർ കുന്നപ്പിള്ളിശ്ശേരി അന്നമശ്ശേരി വീട്ടിൽ സജീവിൻ്റെയും ലൈജിയുടെയും മകളാണ്. സഹോദരൻ ആദർശ്, മിഴാവ് കലാകാരനാണ്. ആരതി ഇന്ത്യയ്ക്കകത്തും പുറത്ത് ദുബായ്, ഇസ്രയേൽ എന്നിവിടങ്ങളിലും പരിപാടികൾ ചെയ്തിട്ടുണ്ട്.

advertisement