ബേപ്പൂർ പുഷ്പമേള 2025: വർണപ്പൊലിമയിൽ മറീന ബീച്ച് പൂന്തോട്ടമായി

പൂക്കൾകൊണ്ട് ഒരുക്കിയ വിവിധ രൂപങ്ങളും മറ്റും ബേപ്പൂർ പുഷ്പ മേളയിലെ മുഖ്യ ആകർഷണങ്ങളിൽ ഒന്നാണ്. ഉദ്യാനങ്ങളിലേക്ക് ആവശ്യമായ ചെടികളും വളവും മറ്റു വസ്‌തുക്കളും വാങ്ങാനുള്ള അവസരവും ഷോയുടെ ഭാഗമായുണ്ട്. രാവിലെ 11 മുതൽ രാത്രി എട്ട് മണി വരെയാണ് പ്രവേശനം. മുതിർന്നവർക്ക് 30 രൂപയും കുട്ടികൾക്ക് 10 രൂപയുമാണ് പ്രവേശന ഫീസ്. ഫ്ളവർഷോ സെപ്റ്റംബർ ഏഴിന് സമാപിക്കും. തേക്കടി മണ്ണാറത്തറയിൽ ഗാർഡൻസാണ് ബീച്ചിൽ ഉദ്യാനം ഒരുക്കിയത്.