1930-70 വരെയുള്ള ക്ലാസിക് കാറുകളും, വിൻ്റേജ് കാറുകളും പുതിയ പ്രീമിയം വാഹനങ്ങളും പ്രദർശനത്തിലുണ്ട്. ബെൻലി, ഡിഫൻഡർ, പോർഷേ, ബി എം ഡബ്ല്യു, മെർസിഡസ്, ഓഡി തുടങ്ങിയ വാഹനങ്ങളുമുണ്ട്. സാങ്കേതികതയിലെ മാറ്റങ്ങൾ, പുതിയ നിയമങ്ങൾ, പല തരത്തിലുള്ള വായ്പാ രീതികൾ തുടങ്ങിയവ അറിയാനും ഓട്ടോ ഷോയിൽ സൗകര്യം ഒരുക്കിയിട്ടുണ്ട്.
ജെ ഡി ടി ഒരുക്കുന്ന ഇലക്ട്രിക് ആൻഡ് ഹൈബ്രിഡ് വാഹനങ്ങളുടെ പ്രദർശനം, ബൈക്കുകളുടെ ഓഫ് റോഡ് ട്രാക്ക് പരിശീലനം, റിമോട്ട് കൺട്രോൾ കാർ അഭ്യാസ പ്രകടനം, കുട്ടികൾക്കായുള്ള ബൈക്ക് പ്രദർശനം, എൻ ഐ ടി വിദ്യാർഥികൾ നിർമിച്ച ഗോ കാർട്ട്, ഫോർമുല വൺ മത്സരത്തിനുള്ള കാറുകൾ എന്നിവയും പ്രദർഷനത്തിലുണ്ട്. ദിവസവും വൈകിട്ട് നാലുമുതൽ രാത്രി 12 വരെയാണ് പ്രദർശനം. പ്രവേശനം തീർത്തും സൗജന്യമാണ്. ജെ ഡി ടി ഇസ്ലാം പോളിടെക്നിക്കുമായി ചേർന്ന് ആരംഭിച്ച കേരള ഓട്ടോ ഷോ പ്രദർശനം 25-ന് സമാപിക്കും.
advertisement