ഭക്തിസാന്ദ്രമായി വടക്കൻ കൊടുങ്ങല്ലൂർ; ഒളവണ്ണ പാലകുറുംബ ഭഗവതി ക്ഷേത്ര ഉത്സവത്തിന് തുടക്കം

തിങ്കളാഴ്ച വൈകിട്ട് ദേവിക്ക് സമർപ്പിക്കാനുള്ള കാഴ്ചദ്രവ്യങ്ങളുമായി, ക്ഷേത്ര കലാരൂപങ്ങളും വാദ്യഘോഷങ്ങളുമായി പതിനഞ്ചോളം ആഘോഷ വരവുകൾ ക്ഷേത്രത്തിൽ എത്തി. തുടർന്ന് 1500 ലേറെ സ്ത്രീകൾ പങ്കെടുത്ത താലപ്പൊലി ക്ഷേത്ര സന്നിധിയിൽ എത്തി. സമീപ ജില്ലകളിൽ നിന്നുൾപ്പെടെ ആയിരക്കണക്കിന് ഭക്തജനങ്ങളാണ് താലപ്പൊലി ഉത്സവത്തിന് പന്തീരാങ്കാവ് വടക്കൻ കൊടുങ്ങല്ലൂർ എന്നറിയപ്പെടുന്ന ഒളവണ്ണ പാലകുറുംബ ഭഗവതി ക്ഷേത്രത്തിൽ എത്തുന്നത്. കുംഭമാസത്തിലെ ഭരണി നാളിൽ കൊടിയേറുന്ന ഉത്സവം മീനത്തിലെ ഭരണിനാളിൽ വേല ഉത്സവത്തോടെയാണ് കൊടിയിറങ്ങുന്നത്. പാട്ടുത്സവം, പൊങ്കാല, എഴുന്നള്ളത്ത്, വലിയഗുരുതി, ഭജന, ഭക്തിഗാനമേള, നൃത്തനൃത്ത്യങ്ങൾ, ആനന്ദോത്സവം, അന്നദാനം എന്നിവയും ഉത്സവത്തിൻ്റെ ഭാഗമായി വിവിധ ദിവസങ്ങളിലുണ്ടാകും.

advertisement