TRENDING:
'ഞാന് കോണ്ഗ്രസ് വിട്ടു പോകില്ല. വേറെ പാര്ട്ടിയിലേക്കും പോകില്ല. എന്റെ അന്ത്യം കോണ്ഗ്രസ് പാര്ട്ടിയില് നിന്നുകൊണ്ടായിരിക്കും. എന്നെ അപമാനിക്കാവുന്നതിന്റെ പരമാവധി അപമാനിച്ചു. എന്നെ വിളിച്ചതെന്താ, തിരുതാത്തോമയെന്ന്. ഞാന് മത്സ്യത്തൊഴിലാളി കുടുംബത്തില് നിന്നാണ്. അത് തെറ്റാണോ. ഞങ്ങള് ഒരു ഷെയറിംഗ് കമ്മ്യൂണിറ്റിയാണ്. ഈ പാര്ട്ടിയെ വിറ്റ് താന് അഞ്ച് പൈസയുണ്ടാക്കിയിട്ടില്ല. എന്റെ മക്കളാരും രാഷ്ട്രീയത്തിലില്ല.
advertisement
എന്നെക്കുറിച്ച് നാല് അന്വേഷണം നടന്നു. അതിലൊന്നും പത്തു പൈസ താന് അവിഹിതമായി സമ്പാദിച്ചതായി കണ്ടെത്തിയിട്ടില്ല. പരസ്പരം അപമാനിച്ചും ആരോപണം ഉന്നയിച്ചും ഗ്രൂപ്പ് രാഷ്ട്രീയം നടത്തിയുമാണ് കേരളത്തിലെ കോണ്ഗ്രസ് ഇന്ന് പോകുന്നത്. ഞാന് ഗ്രൂപ്പ് ഉണ്ടായിരുന്ന ആളാണ്. 2004ല് താന് ഗ്രൂപ്പ് വിട്ടു'- കെവി തോമസ് പറഞ്ഞു.
തനിക്കെതിരെ സൈബര് ആക്രമണം ഉണ്ടായി. ഉമ്മന് ചാണ്ടിക്കും രമേശ് ചെന്നിത്തലയ്ക്കും എകെ ആന്റണിക്കും എതിരെ സമാന രീതിയില് സൈബര് ആക്രമണം ഉണ്ടായിട്ടുണ്ടെന്നും അദ്ദേഹം ചൂണ്ടിക്കാട്ടി. നൂലില് കെട്ടിയിറങ്ങിയ വ്യക്തിയയല്ല താന്. പാര്ട്ടി അച്ചടക്കത്തില് ഒതുങ്ങി നിന്ന് പ്രവര്ത്തിച്ച പാരമ്പര്യമുള്ള വ്യക്തിയാണ്. പാര്ട്ടി നേതൃത്വത്തില് ഇരുന്ന കാലത്ത് എറണാകുളത്ത് കോണ്ഗ്രസ് നേടിയ മുന്നേറ്റം എണ്ണിപ്പറഞ്ഞായിരുന്നു കെ വി തോമസിന്റെ മറുപടി. 2019 ല് സീറ്റ് നിഷേധിച്ചു. ടിവിയിലാണ് സീറ്റ് നിഷേധിച്ച കാര്യം അറിഞ്ഞത്. എന്നിട്ടും പ്രതികരിച്ചില്ല. ഒന്നര വര്ഷം കാത്തിരുന്നു. പാര്ട്ടിയില് ഒരു പരിഗണനയും ലഭിച്ചില്ല. ഏഴ് പ്രാവശ്യം തെരഞ്ഞെടുപ്പില് ജയിച്ചത് ജനങ്ങള് നല്കിയ അംഗീകാരമായിരുന്നുവെന്നും അദ്ദേഹം അവകാശപ്പെട്ടു.
Click here to add News18 as your preferred news source on Google.