മൂന്നാം ക്ലാസുകാരിയുടെ ഡയറിക്കുറിപ്പു അഞ്ചാം ക്ലാസിലെ പാഠം!

മൂ​ന്നാം ക്ലാ​സി​ൽ പ​ഠി​ക്കു​മ്പോ​ൾ ക​ശ്മീ​രി​നെ​ക്കു​റി​ച്ച് ജസ ഡ​യ​റിയി​ലെ​ഴു​തി​യ കൊ​ച്ചു ക​വി​ത​യാ​ണ് ഇപ്പോൾ അ​ഞ്ചാം ക്ലാ​സ് പാ​ഠ​പു​സ്ത​ക​മാ​യ കേ​ര​ള പാ​ഠാ​വ​ലി​യി​ൽ ക​ശ്മീ​രി​നെ​ക്കു​റി​ച്ചു​ള്ള പാ​ഠ​ത്തി​ൽ ഇ​ടം​ പിടിച്ചത്.

‘മ​ഞ്ഞി​ൻ തൊ​പ്പി​യി​ട്ട, മ​ര​ത്തി​ന്റെ പ​ച്ച​യു​ടു​പ്പി​ട്ട, അ​രു​വി​കൊ​ണ്ട​ര​ഞ്ഞാ​ണ​മി​ട്ട, പൂ​ക്ക​ളാ​ൽ വി​രി​പ്പി​ട്ട കാ​ശ്മീ​രേ, നി​ന്നെ ഞാ​നൊ​ന്നു​മ്മ​വ​ച്ചോ​ട്ടേ? -എന്നാണ് ഈ കുഞ്ഞുമിടുക്കി എഴുതിയത്. ഈ വരികളിൽ കശ്മീരിൻ്റെ ഒരു ചിത്രം കാണുന്നില്ലേ എന്നാണ് പാഠഭാഗത്തിൻ്റെ തുടർച്ച.

advertisement

കരിങ്കല്ലത്താണി ഗവ. എൽപി സ്കൂ​ളി​ലെ അ​ധ്യാ​പ​ക​ർ വി​ദ്യാ​ർ​ഥി​ക​ളെ​ക്കൊ​ണ്ട് ഡ​യ​റി എ​ഴു​തി​ക്കു​ക​യും സ​ർ​ഗ​വേ​ദി​യി​ൽ അ​ത് അ​വ​ത​രി​പ്പി​ക്കു​ക​യും ചെ​യ്തി​രു​ന്നു. ഇതിൽ ജസയുടെ കുറിപ്പുകൾ ശ്രദ്ദനേടുകയും,നാരായണൻ മാഷുൾപ്പടെയുളള അധ്യാപകർ പ്രോത്സാഹിപ്പിക്കുകയും ചെയ്തു. ഈ കുറിപ്പുകളിൽ നിന്നും തിരഞ്ഞെടുക്കപ്പെട്ട രണ്ടു കുറിപ്പുകൾ പാഠാവലിയിൽ ഉൾപ്പെടുത്തിയിട്ടുണ്ട്. ഗോ​ൾ​പോ​സ്റ്റ് ല​ക്ഷ്യ​മാ​ക്കി കി​ക്കെ​ടു​ത്ത അ​ധ്യാ​പ​ക​ ൻ്റെ കാ​ലി​ൽ​  നി​ന്ന് പ​ന്തി​ന് പ​ക​രം ചെ​രി​പ്പ് ല​ക്ഷ്യം ക​ണ്ട​താ​ണ് ഇ​തി​ൽ പ്ര​തി​പാ​ദി​ച്ചി​രി​ക്കു​ന്ന​ത്.

എഴുതാൻ ഇഷ്ടമുള്ള, അതിനുള്ള കഴിവുള്ള ഈ കൊച്ചു പെൺകുട്ടി നമ്മുടെ ഭാവിക്ക് വിലപ്പെട്ടതാണ്. അവളെപ്പോലെ വ്യത്യസ്ത മേഖലകളിൽ കഴിവുകളും താൽപ്പര്യങ്ങളും ഉള്ള നിരവധി കുട്ടികൾ ഉണ്ട്, അത് കണ്ടെത്തുകയും പിന്തുണയ്ക്കുകയും ചെയ്യേണ്ടത് നമ്മുടെ കടമയാണ്.