ഓടുന്ന ബൈക്കിലിരുന്ന് 'കുളിപ്പിക്കൽ' വീഡിയോ; അപ്പൊത്തന്നെ MVD വിളിച്ച് സമ്മാനം കൊടുത്തു

സമൂഹമാധ്യമങ്ങളിൽ ശ്രദ്ധനേടുന്നതിനായി രണ്ടു യുവാക്കൾ തയാറാക്കിയ റീല്‍‌സാണ് ട്രോൾ വീഡിയോയിൽ പങ്കുവെച്ചിരിക്കുന്നത്. ഇവരെ പിടികൂടിയതുൾപ്പെടെയുള്ള ദൃശ്യങ്ങൾ ട്രോൾ രൂപത്തിലാണ് ഫേസ്ബുക്കിൽ പങ്കുവെച്ചിരിക്കുന്നത്. ബൈക്ക് ഓടിക്കുന്ന ആളിനെ കുളിപ്പിച്ചുകൊണ്ട് റോഡിലൂടെ പോകുന്നതാണ് വീഡിയോ. റോഡിന്റെ സമീപം നിൽക്കുന്നവരും മറ്റു വാഹനങ്ങളിലുള്ള യാത്രക്കാരും ഇവരെ ശ്രദ്ധിക്കുന്നത് വീഡിയോയിൽ‌ കാണാം.

ഏതായാലും വൈറലായി അത് എംവിഡി അടുത്തെത്തുകയും ലൈസെൻസ് താത്കാലികമായി റദ്ദാക്കുകയും ചെയ്തിട്ടുണ്ട്. യുവാക്കളുടെ കുളി വീഡിയോയ്ക്കൊപ്പം ആക്ഷൻ ഹീറോ ബിജു എന്ന ചിത്രത്തിലെ രസകരമായ രംഗവും ചേർത്താണ് എംവിഡി കേരള എന്ന ഫേസ്ബുക്ക് പേജിൽ പങ്കുവെച്ചിരിക്കുന്ന വീ‍ഡിയോ.

advertisement

വീഡിയോയുടെ അവസാനം ഇരുവരും പൊലീസ് സ്റ്റേഷനിൽ നിൽക്കുന്നതായി കാണാവുന്നതാണ്.