TRENDING:

ഷാജിയുടെ കാര്യത്തിൽ സ്വീകരിച്ച നിലപാട് തന്നെ റസാഖിന്റെ കാര്യത്തിലും: സ്പീക്കർ

Last Updated:

'ഒരു മാസത്തിനുള്ളിൽ അനുകൂല വിധി ലഭിക്കുന്നില്ലെങ്കിൽ കാരാട്ട് റസാഖിനെതിരെയും കെ.എം. ഷാജിയുടെ കാര്യത്തിലെടുത്ത നടപടി തന്നെയാവും ഉണ്ടാവുക'

impactshort
Impact Shortsഗേറ്റ് വേ ഏറ്റവും പുതിയ വാർത്തയ്ക്കായി
advertisement
ദുബായ്: ഹൈക്കോടതി നിയമസഭാംഗത്വം റദ്ദാക്കിയപ്പോൾ കെ.എം. ഷാജിയുടെ കാര്യത്തിൽ എടുത്ത നിലപാട് തന്നെയായിരിക്കും കാരാട്ട് റസാഖിന്റെ കാര്യത്തിലും ഉണ്ടാവുകയെന്ന് നിയമസഭാ സ്പീക്കർ പി. ശ്രീരാമകൃഷ്ണൻ.
advertisement

നിയമപരമായ ഒരു ബാധ്യതയല്ലാതെ മറ്റൊരു കാരണവും ഇക്കാര്യത്തിൽ അന്ന് ഉണ്ടായിരുന്നില്ല. റസാഖിന്റെ നിയമസഭാംഗത്വം റദ്ദാക്കിയ ഹൈക്കോടതി ഒരു മാസത്തേക്ക് സ്റ്റേ നൽകിയിട്ടുണ്ട്. സുപ്രീംകോടതിയിൽ പോകാൻ സമയമനുവദിച്ചിരിക്കുകയാണ്. ഈ ഒരു മാസത്തിനുള്ളിൽ അനുകൂല വിധി ലഭിക്കുന്നില്ലെങ്കിൽ അദ്ദേഹത്തിന് എതിരെയും ഷാജിയുടെ കാര്യത്തിലെടുത്ത നടപടി തന്നെയാവും ഉണ്ടാവുകയെന്നും അദ്ദേഹം ദുബായിൽ പറഞ്ഞു.

ഷാജിക്ക് 15 ദിവസത്തേക്കാണ് സ്റ്റേ നൽകിയത്. പക്ഷേ, അതിനുള്ളിൽ അദ്ദേഹത്തിന് അനുകൂല വിധി നേടാനായില്ല. അതിനാൽ നിയമപരമായി അദ്ദേഹത്തെ സഭയിൽ വരാൻ അനുവദിക്കാൻ കഴിഞ്ഞില്ല. അതേ നിലപാട് ഇതിലും തുടരുമെന്നും സ്പീക്കർ പറഞ്ഞു. ഫെബ്രുവരി 15, 16 തിയതികളിൽ ദുബായിൽ നടക്കുന്ന ലോക കേരളസഭ മേഖലാ സമ്മേളനത്തിന്റെ ഒരുക്കങ്ങളുടെ അവലോകന യോഗത്തിൽ പങ്കെടുക്കാനെത്തിയതായിരുന്നു സ്പീക്കർ.

advertisement

മികച്ച വീഡിയോകൾ

എല്ലാം കാണുക
ബ്രിട്ടീഷ് അധിനിവേശത്തിൻ്റെ ഓർമ്മപ്പെടുത്തലുമായി ബംഗ്ളാംകുന്ന്
എല്ലാം കാണുക

മലയാളം വാർത്തകൾ/ വാർത്ത/Kerala/
ഷാജിയുടെ കാര്യത്തിൽ സ്വീകരിച്ച നിലപാട് തന്നെ റസാഖിന്റെ കാര്യത്തിലും: സ്പീക്കർ