എന്‍ഐഎ ആക്ടിലെ 7ബി അനുസരിച്ച് അന്വേഷിക്കാന്‍ സംസ്ഥാന സര്‍ക്കാര്‍ തയാറാണെന്ന് വ്യക്തമാക്കിയാണ് കത്തയച്ചത്. ഇനി ഇക്കാര്യത്തില്‍ കേന്ദ്രസര്‍ക്കാരാണ് തീരുമാനമെടുക്കേണ്ടതെന്നും മുഖ്യമന്ത്രി വ്യക്തമാക്കി. കഴിഞ്ഞ ദിവസം അടിയന്തര പ്രമേയ നോട്ടീസ് പരിഗണിക്കുന്ന വേളയില്‍ പ്രതിപക്ഷം ഈ ആവശ്യം ഉന്നയിച്ചിരുന്നു. കേന്ദ്ര ആഭ്യന്തര വകുപ്പിന്റെ അനുമതിയോടെ യുഎപിഎ കേസുകള്‍ സംസ്ഥാന സര്‍ക്കാരിന് തിരികെ വാങ്ങാമെന്ന് പ്രതിപക്ഷം ചൂണ്ടിക്കാട്ടിയിരുന്നു. എന്നാല്‍ ഇക്കാര്യവുമായി അമിത് ഷായുടെ കാലുപിടിക്കണോ എന്നായിരുന്നു പ്രതിപക്ഷത്തോട് മുഖ്യമന്ത്രിയുടെ ചോദ്യം. ഗവര്‍ണറുടെ കാലുപിടിക്കുന്നതിലും ഭേദം അമിത് ഷായുടെ കാല് പിടിക്കുന്നതാണ് നല്ലതെന്ന് പ്രതിപക്ഷ നേതാവ് പരിഹസിക്കുകയും ചെയ്തു. ഈ സംഭവവികാസങ്ങള്‍ ശേഷമാണ് മുഖ്യമന്ത്രി കത്തയച്ചത്.
advertisement
Also Read- 'ഡല്‍ഹിയില്‍ പോയശേഷമാണ് ചെന്നിത്തല തള്ളിപ്പറഞ്ഞത്'