TRENDING:
എൻഎസ്എസ് വൈസ് പ്രസിഡന്റ് സംഗീത് കുമാറിനെ ഒന്നാം പ്രതിയാക്കിയും കണ്ടാൽ അറിയാവുന്ന ആയിരത്തോളം പേർക്കെതിരെയുമാണ് കേസ്. കന്റോൺമെന്റ്, ഫോർട്ട് പോലീസ് സ്റ്റേഷനുകളിലാണ് കേസ് രജിസ്റ്റർ ചെയ്തിരിക്കുന്നത്.
തിരുവനന്തപുരത്തെ എൻഎസ്എസ് നാമജപ യാത്രയ്ക്കെതിരെ പൊലീസ് കേസ്
പൊലീസ് നിർദ്ദേശം ലംഘിച്ച് അന്യായമായി സംഘം ചേർന്നു, മൈക്ക് സെറ്റ് പ്രവര്ത്തിപ്പിച്ചു, കാല്നടയാത്രക്കാര്ക്കും, വാഹനഗതാഗതത്തിനും തടസ്സമുണ്ടാക്കിയെന്നും എഫ്ഐആറില് പറയുന്നു.
എന്നാല് പോലീസിനെ അറിയിച്ചാണ് പ്രതിഷേധം നടത്തിയതെന്ന് സംഗീത് കുമാര് വ്യക്തമാക്കി. സിറ്റി പോലീസ് കമ്മിഷണര്, ഫോര്ട്ട് എ.സി, കന്റോണ്മെന്റ് എ.സി, ഡി.ജി.പി. എന്നിവരെ മെയില് വഴി വിവരം അറിയിച്ചിരുന്നു. തുടര്പ്രതിഷേധം എന്എസ്എസ് നേതൃത്വം ആലോചിച്ച് തീരുമാനിക്കും. വിഷയത്തില് എല്ലാ പ്രതികരണങ്ങളും നേതൃത്വം അവലോകനം ചെയ്യുമെന്നും അതനുസരിച്ച് ഭാവി പരിപാടികള് ആസൂത്രണംചെയ്ത് നടപ്പിലാക്കുമെന്നും അദ്ദേഹം പറഞ്ഞു.
advertisement
ഷംസീറിന്റെ ഗണപതി പരാമർശം: സർക്കാർ നിലപാട് അറിയണമെന്ന് എൻഎസ്എസ്
തിരുവനന്തപുരം നഗരത്തിൽ നടത്തിയ നാമജപ യാത്രയിൽ നൂറുകണക്കിന് ആളുകളാണ് പങ്കെടുത്തത്. പാളയം ഗണപതി ക്ഷേത്രത്തില് നിന്ന് ബുധനാഴ്ച വൈകിട്ട് അഞ്ചരയോടെ തുടങ്ങിയ നാമജപ യാത്ര സെക്രട്ടേറിയറ്റിന് മുന്നിലൂടെ സഞ്ചരിച്ച് ഏഴ് മണിയോടെ പഴവങ്ങാടി ഗണപതി ക്ഷേത്രത്തിന് മുന്നില് സമാപിച്ചു.
Click here to add News18 as your preferred news source on Google.