TRENDING:
മൊറയൂരിൽ നിന്നാണ് വിജി ബസിൽ കയറിയത്. അപകടത്തിൽ 21ലധികം പേർക്ക് പരിക്കേറ്റു. പരിക്കേറ്റവരെ രണ്ട് സ്വകാര്യ ആശുപത്രികളിൽ പ്രവേശിപ്പിച്ചു.
രാവിലെ ആറേകാലോടെ കൊണ്ടോട്ടി ബൈപ്പാസിന് സമീപമായിരുന്നു അപകടം. മഞ്ചേരിയിൽ നിന്ന് കോഴിക്കോട്ടേക്ക് വരികയായിരുന്ന ഐവിൻ ബസ് ആണ് അപകടത്തിൽപ്പെട്ടത്. അമിതവേഗതയിൽ വന്ന ടോറസ് ലോറി ബസിൽ ഇടിക്കുകയായിരുന്നു. ഇടിയുടെ ആഘാതത്തിൽ ബസ് മറിഞ്ഞു.
ഓടിയെത്തിയ നാട്ടുകാരും ഡ്രൈവർമാരും കച്ചവടക്കാരുമാണ് രക്ഷാപ്രവർത്തനം നടത്തിയത്. ബസിനുള്ളിൽ കുടുങ്ങിയവരെ ഉടൻ പുറത്തെടുത്ത് ആശുപത്രിയിൽ എത്തിച്ചു. അപകടത്തെ തുടർന്ന് വൈദ്യുതി തൂൺ തകർന്നു.
advertisement
നിയന്ത്രണംവിട്ട കാര് സ്കൂട്ടറിലിടിച്ചു, റോഡില് തെറിച്ചുവീണ യുവതി മരിച്ചു
നിയന്ത്രണം വിട്ട കാര് സ്കൂട്ടറിലിടിച്ച് യുവതി മരിച്ചു. കണ്ണൂർ ശ്രീകണ്ഠപുരം എസ്.സി. ഡെവലപ്മെന്റ് കോ ഓപ്പറേറ്റീവ് സൊസൈറ്റിയിലെ കളക്ഷന് ഏജന്റ് ചുഴലിയിലെ സി.വി.കാഞ്ചന(45)യാണ് മരിച്ചത്. ചൊവ്വാഴ്ച ഉച്ചയോടെ ശ്രീകണ്ഠപുരം ഗവ. ഹയര് സെക്കന്ഡറി സ്കൂളിന് മുന്നിലായിരുന്നു അപകടം.
തളിപ്പറമ്പ് ഭാഗത്തുനിന്ന് വന്ന കാര് നിയന്ത്രണംവിട്ട് റോഡരികില് നിര്ത്തിയിട്ടിരുന്ന ബൈക്കിലും മറ്റൊരു കാറിലും ഇടിച്ചശേഷം കാഞ്ചന സഞ്ചരിച്ച സ്കൂട്ടറില് ഇടിക്കുകയായിരുന്നു. സ്കൂട്ടര് പൂര്ണമായും തകര്ന്നു. ഇടിയുടെ ആഘാതത്തില് റോഡില് തെറിച്ചുവീണ ഇവരെ ശ്രീകണ്ഠപുരത്തെ സ്വകാര്യ ആസ്പത്രിയിലെത്തിച്ചെങ്കിലും ജീവന് രക്ഷിക്കാനായില്ല.
സി.പി.എം. തെക്കേമൂല ബ്രാഞ്ചംഗവും ബാലസംഘം ഏരിയ എക്സിക്യൂട്ടീവംഗവുമാണ്. നടുവിലിലെ കാരോന്തന് നാരായണന് നമ്പ്യാരുടെയും ജാനകിയുടെയും മകളാണ്. ഭര്ത്താവ്: എം.ഇ.ബാലകൃഷ്ണന്. മക്കള്: ജിഷ്ണു, വൈഷ്ണവ്. മരുമകള്: ഡിജിന. പോസ്റ്റ്മോര്ട്ടത്തിനുശേഷം ബുധനാഴ്ച ഉച്ചയ്ക്ക് ഒരുമണിക്ക് നാട്ടിലെത്തിക്കുന്ന മൃതദേഹം തെക്കേമൂല ചെന്താര കലാകായിക സമിതിയിലെ പൊതുദര്ശനത്തിനുശേഷം മൂന്നിന് ചെങ്ങളായി പഞ്ചായത്ത് പൊതുശ്മശാനത്തില് സംസ്കരിക്കും.
Click here to add News18 as your preferred news source on Google.