‌ഉമ്മൻചാണ്ടിയ്‌ക്ക് വിട; ഭൗതിക ശരീരം ഉച്ചയോടെ തിരുവനന്തപുരത്ത് എത്തിക്കും; സംസ്കാരം വ്യാഴാഴ്ച്ച പുതുപ്പള്ളിയിൽ

തിരുവനന്തപുരത്ത് ഉമ്മൻചാണ്ടിയുടെ ജഗതിയിലെ പുതുപ്പള്ളി ഹൗസിലാണ് ആദ്യം പൊതുദർശനം നടക്കുക. ശേഷം ദർബാർ ഹാളിലും വൈകുന്നേരത്തോടെ സെൻറ് ജോർജ് കത്തീഡ്രലിലും പൊതു ദർശനമുണ്ടാകും. ആറ് മണിയോടെ മൃതദേഹം കെപിസിസി ആസ്ഥാനത്ത് എത്തിക്കും.

നാളെ രാവിലെ ഏഴ് മണിയോടെ വിലാപയാത്രയായി മൃതദേഹം തിരുവനന്തപുരത്തു നിന്ന് കോട്ടയത്തേക്ക് കൊണ്ടുപോകും. കോട്ടയം തിരുനക്ക മൈതാനത്തും പൊതുദർശനമുണ്ടാകും. വ്യാഴാഴ്ച്ച പുതുപ്പള്ളിയിലാണ് സംസ്കാരം നടക്കുക.