മര്യാദരാമനായി പടയപ്പ എന്ന കാട്ടാന; കാരണമായത് മൂന്നാറിലെ മാലിന്യ പ്ലാന്‍റ്

ഏതാനും നാളുകള്‍ക്കു മുമ്പു വരെ മൂന്നാർ – ഉദുമൽപേട്ട അന്തര്‍സംസ്ഥാന പാതയില്‍ ഓടുന്ന വാഹനങ്ങൾക്കു നേരെ ആക്രമണം അഴിച്ചു വിട്ടിരുന്നു പടയപ്പ എന്ന കാട്ടാന. കഴിഞ്ഞ രണ്ടാഴ്ചയായി ആക്രമണ രീതി ഉപേക്ഷിച്ച് പടയപ്പ ശാന്തനായത് പ്രദേശവാസികളെ അത്ഭുതപ്പെടുത്തിയിരിക്കുകയാണ്.

മൂന്നാര്‍ പഞ്ചായത്തിന്റെ മാലിന്യസംസ്ക്കരണ പ്ലാന്‍റിലെ നിത്യസന്ദർശകനായതോടെയാണ് പടയപ്പ മര്യാദരാമനായി മാറിയത്. മൂന്നാര്‍ മാർക്കറ്റിൽ നിന്നുള്ള കേടായ പച്ചക്കറികള്‍ മാലിന്യ പ്ലാന്റിൽ എത്തുന്നുണ്ട്. ഇത് ഭക്ഷിക്കാൻ തുടങ്ങിയതോടെ ടൗണിലും, റോഡിലും പട്ടയപ്പയെ കാണാതായി.

advertisement

Also Read- അരിക്കൊമ്പൻ ചിന്നക്കനാലിലേക്ക് തിരിച്ചെത്താൻ സാധ്യത; തടയുമെന്ന് ഉറപ്പിച്ച് വനംവകുപ്പ്; നിരീക്ഷിച്ച് തമിഴ്നാട്

ഇപ്പോൾ പടയപ്പയുടെ താവളം മാലിന്യ സംസ്ക്കരണ പ്ലാന്റാണ്. അതേസമയം സ്ഥിരമായി അഴുകിയ മാലിന്യങ്ങൾ ഭക്ഷിക്കുന്നത് പടയപ്പക്ക് അരോഗ്യ പ്രശ്നങ്ങൾ സൃഷ്ടിക്കുമോ എന്ന് വന്യജീവി വിഭാഗത്തിനും ആശങ്കയുണ്ട്.