വാൻഹായ് കപ്പലിന് തീപിടിച്ച സംഭവത്തിലും പൊലീസ് നടപടി; ഉടമയ്ക്കും ക്യാപ്റ്റനുമെതിരെ കേസെടുത്തു

അപകടരമായ വിധത്തിൽ കപ്പൽ ഓടിച്ച് അപകടം വരുത്തിയതടക്കമുള്ള ബിഎൻഎസിലെ 282, 285, 286, 287, 288, 3(5) വകുപ്പുകൾ ചേർത്താണ് കേസെടുത്തത്. വടകര ഒഞ്ചിയം സ്വദേശി പി.വി.സുനീഷിന്റെ പരാതിയിലാണ് കേസെടുത്തത്. നിയമോപദേശം തേടിയ ശേഷമാണ് പോലീസ് കേസെടുത്തത്.

ഈ മാസം ഒമ്പതിനാണ് അഴീക്കൽ തീരത്തുനിന്ന് 44 നോട്ടിക്കൽ മൈൽ അകലെ വച്ച് കപ്പലിന് തീപിടിച്ചത്.  രക്ഷപെടുത്തിയ ജീവനക്കാരെ മംഗലാപുരം പോർട്ടിലെത്തിച്ചിരുന്നു.22 പേരാണ് കപ്പലിൽ ഉണ്ടായിരുന്നത്. 18 പേരെ രക്ഷപ്പെടുത്തി. കപ്പലിലെ ജീവനക്കാരിൽ 5 പേർ ആശുപത്രിയിൽ ചികിത്സയിലാണ്. കാണാതായ 4 പേരെ ഇനിയും കണ്ടെത്താനായിട്ടില്ല.

advertisement