TRENDING:
മാര്ച്ച് 7ന് ബസ് ജീവനക്കാരുടെ മര്ദനത്തെത്തുടര്ന്ന് ഓട്ടോ ഡ്രൈവര് അബ്ദുല് ലത്തീഫ് കുഴഞ്ഞുവീണു മരിച്ചിരുന്നു. സംഭവവുമായി ബന്ധപ്പെട്ട് അറസ്റ്റിലായ ഷിജു 22 ദിവസം റിമാന്ഡിൽ കഴിഞ്ഞു. തുടര്ന്ന് ജാമ്യത്തിലിറങ്ങി. വെള്ളിയാഴ്ച വൈകിട്ട് 4നാണ് ഷിജു മഞ്ചേരി കോര്ട്ട് റോഡിലെ ലോഡ്ജില് മുറിയെടുത്തത്. 5 മണിക്ക് ഇയാള് പുറത്തുപോയി തിരികെ വന്നത് ലോഡ്ജ് ജീവനക്കാര് കണ്ടിരുന്നു. ശനിയാഴ്ച ഉച്ചയായിട്ടും മുറിയുടെ വാതില് തുറക്കാത്തതിനാല് ഉടമ പൊലീസില് വിവരം അറിയിച്ചു. പൊലീസെത്തി വാതില് ചവിട്ടിത്തുറന്നപ്പോഴാണ് ഫാനില് കെട്ടിത്തൂങ്ങിയ നിലയില് മൃതദേഹം കണ്ടത്.
advertisement
മഞ്ചേരി പൊലീസ് സബ് ഇന്സ്പെക്ടര് എ ബാലമുരുകന് ഇന്ക്വസ്റ്റ് ചെയ്ത മൃതദേഹം മെഡിക്കൽ കോളേജ് മോര്ച്ചറിയിലേക്കുമാറ്റി. സംഭവത്തിന് ഓട്ടോ ഡ്രൈവറുടെ മരണവുമായി ബന്ധമില്ലെന്ന് പൊലീസ് പറഞ്ഞു. ബന്ധുക്കള് നല്കിയ മൊഴിയുടെ അടിസ്ഥാനത്തില് സാമ്പത്തികബാധ്യത കാരണം ആത്മഹത്യ ചെയ്തതാണെന്ന നിഗമനത്തിലാണ് പൊലീസ്. അമ്മ: സുമതി. ഭാര്യ: മിനി. മക്കള്: അഭിമന്യു, ആദിദേവ്, കാശി.
Click here to add News18 as your preferred news source on Google.