അങ്ങാടിപ്പുറം തളി മഹാദേവ ക്ഷേത്രം പിടിച്ചെടുക്കാൻ ദേവസ്വം ബോർഡ് നീക്കം; പ്രക്ഷോഭം നടത്തുമെന്ന് കേരള ക്ഷേത്ര സംരക്ഷണ സമിതി

കേരളത്തിലെ ക്ഷേത്രങ്ങളുടെ പുനരുദ്ധാരണത്തിന് തുടക്കം കുറിച്ചത് ഗാന്ധിയൻ കെ കേളപ്പന്റെ നേതൃത്വത്തിൽ നടന്ന ഐതിഹാസികമായ തളി പ്രക്ഷോഭമായിരുന്നു എന്ന് ക്ഷേത്ര സംരക്ഷണ സമിതി പ്രസ്താവനയിൽ ഓർമിപ്പിച്ചു. അന്തിത്തിരി കത്തിക്കാൻ ആളില്ലാതിരുന്ന സാഹചര്യത്തിൽ നിന്ന് കേരളക്ഷേത്രങ്ങളുടെ നവോത്ഥാനത്തിന് നാന്ദി കുറിച്ചതും കേരള ക്ഷേത്ര സംരക്ഷണ സമിതിയുടെ രൂപീകരണത്തിനും വഴി തെളിച്ചതും തളി മഹാദേവ ക്ഷേത്ര നിർമാണമായിരുന്നു എന്നും സമിതി പറഞ്ഞു.

1968ൽ ആരാധനയ്ക്കായി പ്രവേശിക്കുന്നത് പോലും സർക്കാർ നിരോധിച്ചിരുന്ന അതെ ക്ഷേത്രത്തിന്റെ ഭരണ അധികാരം പിടിച്ചെടുക്കാനാണ് ദേവസ്വം ബോർഡ്‌ പരിശ്രമിക്കുന്നത് എന്നും ക്ഷേത്രസംരക്ഷണ സമിതി ആരോപിച്ചു. ദേവസ്വം ബോർഡ് ഈ നടപടിയിൽ നിന്നും പിന്നോട്ട് പോകുന്നില്ലെങ്കിൽ ക്ഷേത്രസംരക്ഷണത്തിനായി പ്രക്ഷോഭം നടത്തുമെന്ന് കേരള ക്ഷേത്രസംരക്ഷണ സമിതി മലപ്പുറം ജില്ലാ കമ്മിറ്റി പ്രസിഡണ്ട്‌ സി വി സുബ്രഹ്മണ്യൻ, ജില്ലാ സെക്രട്ടറി ടി പി സുധീഷ് എന്നിവർ മുന്നറിയിപ്പ് നൽകി.

advertisement

Summary: The Kerala Kshetra Samrakshana Samithi has announced it will launch a massive protest against the Malabar Devaswom Board’s move to take over the famous Angadipuram Thali Mahadeva Temple.