രാഹുല്‍ മാങ്കൂട്ടത്തിൽ‌ എംഎല്‍എ മുന്‍കൂര്‍ ജാമ്യത്തിന് ഹൈക്കോടതിയെ സമീപിക്കും

കേസ് ഉയര്‍ന്നുവന്നപ്പോള്‍ തന്നെ ഹൈക്കോടതിയെ സമീപിക്കാനായിരുന്നു രാഹുലും കൂട്ടരും ആലോചിച്ചത്. എന്നാല്‍, സുപ്രീംകോടതിയുടെ പ്രത്യേക പരാമര്‍ശം കാരണമാണ് ആ തീരുമാനം മാറ്റിയത്.. കേരള ഹൈക്കോടതി മുന്‍കൂര്‍ ജാമ്യ ഹര്‍ജികള്‍ നേരിട്ട് പരിഗണിച്ച് ജാമ്യം അനുവദിക്കുന്നത് ശരിയല്ല എന്നായിരുന്നു നേരത്തെ സുപ്രീംകോടതി പരാമര്‍ശിച്ചത്. ഇതിനുപിന്നാലെയാണ് മുന്‍കൂര്‍ ജാമ്യഹര്‍ജികള്‍ ആദ്യം സെഷന്‍സ് കോടതികള്‍ പരിഗണക്കണം എന്ന് ഹൈക്കോടതി നിലപാടെടുത്തത്. ഈ സാചര്യത്തിലാണ് രാഹുലിന് മുന്‍കൂര്‍ ജാമ്യത്തിനായി സെഷന്‍സ് കോടതിയെ സമീപിക്കേണ്ടിവന്നത്.

ഇതും വായിക്കുക: ഉമ്മൻചാണ്ടി ടിക്ക് ചെയ്ത അഖിലിനെ വെട്ടിയത് ഷാഫിയോ? രാഹുലിനെ പുറത്താക്കിയതിന് പിന്നാലെ ചർച്ചയാവുന്ന പോസ്റ്റ്

advertisement

നേരത്തേ തന്നെ ഹൈക്കോടതിയിലെ ഒരു പ്രമുഖ ക്രിമിനല്‍ അഭിഭാഷകനുമായി രാഹുല്‍ കൂടിയാലോചന നടത്തിയിരുന്നു. ഇതിന്റെ അടിസ്ഥാനത്തില്‍ രാഹുലിന്റെ മുന്‍കൂര്‍ ജാമ്യാപേക്ഷയുടെ ഉത്തരവിന്റെ പകര്‍പ്പ് ലഭിച്ചാലുടന്‍ ഹൈക്കോടതിയെ സമീപിക്കാനുള്ള എല്ലാ കാര്യങ്ങളും പൂർത്തിയായതായാണ് വിവരം. കേസുമായി ബന്ധപ്പെട്ട കാര്യങ്ങള്‍ ഹൈക്കോടതിയെ ബോധിപ്പിക്കാന്‍ കഴിയും എന്ന പ്രതീക്ഷയിലാണ് രാഹുൽ.

അതേസമയം, ഒളിവിൽ കഴിയുന്ന രാഹുലിനെ എത്രയുംവേഗം അറസ്റ്റുചെയ്യാനുള്ള നീക്കത്തിലാണ് പോലീസ്.

Summary: Rahul Mamkootathil to approach the High Court for anticipatory bail. Rahul Mamkootathil's anticipatory bail plea was rejected by the Thiruvananthapuram District Principal Sessions Court on Thursday in the case where he is accused of sexually abusing a young woman, making her pregnant, and forcibly having her undergo an abortion. Rahul is approaching the High Court following the setback he faced at the Sessions Court.