'കൂത്തുപറമ്പില്‍ വെടിവെച്ച് കൊന്നവർ രക്തസാക്ഷികളുടെ വക്താക്കളായി ചമയുന്നു; റവാഡയ്ക്ക് പങ്കില്ല'; എംവി ഗോവിന്ദൻ

പാർട്ടി നൽകുന്ന ക്ളീൻചിറ്റിന് അനുസരിച്ചല്ല ഡിജിപി നിയമനം നടത്തുന്നത്. നിയമനത്തിന് സർക്കാരിന് അതിന്‍റേതായ മാനദ്ണ്ഡമുണ്ടാകും. ഭരണഘടനാപരമായ കാര്യങ്ങളാണ് സർക്കാർ നിർവഹിക്കുന്നത്. പ്രശ്നങ്ങളൊന്നും ഇല്ലാത്തതുകൊണ്ടാണ് ഡിജിപി നിയമനം വിവാദമാക്കാൻ ശ്രമിക്കുന്നതെന്നും അദ്ദേഹം പറഞ്ഞു.

യുഡിഎഫിന്റെ ഭരണകാലത്താണ് ഞങ്ങളുടെ അഞ്ച് സഖാക്കളെയാണ് കൊന്നത്.രക്തസാക്ഷികളെ കൊന്നവര്‍ അവരുടെ വക്താക്കളാകണ്ട. കൂത്തുപറമ്പ് സംഭവം നടക്കുന്നതിന് രണ്ട് ദിവസം മുൻപാണ് റവാഡ ചന്ദ്രശേഖര്‍ ചാർജെടുക്കുന്നതെന്നും അദ്ദേഹത്തിന് കണ്ണൂരിന്‍റെയോ തലശേരിയുടെയോ ഭൂമിശാസ്ത്രം അറിയില്ലായിരുന്നു എന്നും എംവി ഗോവിന്ദൻവ്യക്തമാക്കി.