TRENDING:
ചെയർപേഴ്സണായി കണ്ണൂർ സർവകലാശാല മാങ്ങാട്ടുപറമ്പ് ക്യാമ്പസിലെ ടി.പി അഖില തെരഞ്ഞെടുക്കപ്പെട്ടു. കെഎസ്യു സ്ഥാനാർഥി ജെഫിൻ ഫ്രാൻസിസിനെ 35 വോട്ടിനാണ് അഖില പരാജയപ്പെടുത്തിയത്. അഖിലയ്ക്ക് 70 വോട്ട് ലഭിച്ചപ്പോൾ ജെഫിൻ ഫ്രാൻസിസിന് നേർപകുതി വോട്ട് മാത്രമാണ് ലഭിച്ചത്. ജനറൽ സെക്രട്ടറിയായി ടി പ്രതീക് 32 വോട്ടിന്റെ ഭൂരിപക്ഷത്തില് വിജയിച്ചു. പ്രതീകിന് 70 വോട്ട് കിട്ടിയപ്പോൾ എംഎസ്എഫ് സ്ഥാനാർഥി വി മുഹമ്മദിന് 38 വോട്ട് മാത്രമാണ് നേടാനായത്.
വ്യാജ ഡിഗ്രി വിവാദം; നിഖിൽ തോമസിനെ എസ്.എഫ്.ഐ പുറത്താക്കി
advertisement
വൈസ് ചെയർപേഴ്സണായി കൂത്തുപറമ്പ് എംഇഎസ് കോളേജിലെ മുഹമ്മദ് ഫവാസ്, ലേഡി വൈസ് ചെയർപേഴ്സണായി പയ്യന്നൂർ കോളേജിലെ അനന്യ ആർ ചന്ദ്രൻ, ജോയിൻ സെക്രട്ടറിയായി മുന്നാട് പീപ്പിൾസ് കോളേജിലെ കെ പി സൂര്യജിത്ത്, കണ്ണൂർ ജില്ലാ എക്സിക്യൂട്ടീവിലേക്ക് ചൊക്ലി ഗവ. കോളേജിലെ കെ വി അൻഷിക, കാസർകോട് ജില്ലാ എക്സിക്യൂട്ടീവിലേക്ക് കാഞ്ഞങ്ങാട് നെഹ്റു കോളേജിലെ കെ പ്രജിന എന്നിവർ തെരഞ്ഞെടുക്കപ്പെട്ടു. വയനാട് ജില്ലാ എക്സിക്യൂട്ടീവ് സ്ഥാനത്തേക്ക് മാനന്തവാടി ഗവ. കോളേജിലെ പി എസ് സെബാസ്റ്റ്യൻ എതിരില്ലാതെ തെരഞ്ഞെടുക്കപ്പെട്ടിരുന്നു.
Click here to add News18 as your preferred news source on Google.