വന്ദേഭാരതിനെ പുകഴ്ത്തി പന്ന്യന്‍ രവീന്ദ്രന്റെ മകൻ്റെ കവിത; പങ്കുവച്ച് കെ സുരേന്ദ്രന്‍

Also read-‘സിൽവർലൈൻ എംവി ഗോവിന്ദന്റെ വ്യാമോഹം മാത്രം’; കെ സുരേന്ദ്രൻ

കവിതയുടെ പൂര്‍ണ്ണരൂപം:

‘വന്ദേ ഭാരത് ‘ നോട്

‘വരണ്ടേ ഭാരത് ‘ എന്നു പറയാതെ

‘വരട്ടെ ഭാരത് ‘ എന്നു പറയാത്തവർ മലയാളികളല്ല….

വന്ദേ ഭാരതിന്

മോദി

കൊടിയുയർത്തിയാലും…

ഇടതുപക്ഷം വെടിയുതിർത്താലും…

വലതുപക്ഷം വാതോരാതെ

സംസാരിച്ചാലും…

പാളത്തിലൂടെ ഓടുന്ന

advertisement

മോടിയുള്ള വണ്ടിയിൽ

പോയി

അപ്പം വിൽക്കാനും

തെക്ക് വടക്കോടാനുമായി

ടിക്കറ്റടുക്കുന്നവരുടെ മനസ്സിൽ എത്തേണ്ട സ്ഥലമല്ലാതെ മറ്റൊന്നുമുണ്ടാകില്ല …

കെ. റെയിൽ

കേരളത്തെ

കേരറ്റ് പോലെ വെട്ടിമുറിക്കാനോങ്ങി നിൽക്കുമ്പോൾ…

വെട്ടാതെ തട്ടാതെ

തൊട്ടു നോവിക്കാതെ

വെയിലത്തും മഴയത്തും

ചീറിയോടാനായി

ട്രാക്കിലാകുന്ന

വന്ദേ ഭാരതി നെ നോക്കി

വരേണ്ട ഭാരത്

എന്നു പാടാതെ

വരട്ടെ ഭാരത് എന്നു പാടിയാലെ ആ പാട്ടിൻ്റെ ഈണം

യേശുദാസിൻ്റെ ശബ്ദം പോലെ ശ്രുതിമധുരമാകുകയുള്ളൂ ….

ശ്രുതി തെറ്റുന്ന പാട്ട്

പാളം തെറ്റിയ

തീവണ്ടി പോലെയാണ് ….

പാളം തെറ്റാതെ ഓടാനായി

വന്ദേ ഭാരത്

കുതിച്ചു നിൽക്കുമ്പോൾ

കിതച്ചു കൊണ്ടോടി

ആ കുതിപ്പിൻ്റെ

ചങ്ങല വലിക്കരുത് …

അങ്ങിനെ വലിക്കുന്ന

ചങ്ങലയിൽ കുരുങ്ങി നിൽക്കുക

മോദിയല്ല…..

വലിക്കുന്നവർ തന്നെയാകും …

വൈകി വന്ന

വന്ദേ ഭാരതിനെ

വരാനെന്തെ വൈകി

എന്ന പരിഭവത്തോടെ…

വാരിയെടുത്ത്

വീട്ടുകാരനാക്കുമ്പോഴെ…

അത്യാവശ്യത്തിന്

ചീറി പായാനായി

വീട്ടിലൊരു

‘ഉസൈൻ ബോൾട്ട് ‘

കൂടിയുണ്ടെന്ന് ആശ്വസിക്കാനാവൂ ..

….വന്ദേ ഭാരത്…