ശബരിമലയിലെ ദിവസവേതനക്കാർ 6000 രൂപവരെ പോസ്റ്റ് ഓഫീസ് വഴി അയച്ചെന്ന് സൂചന;നോട്ടുകളിൽ ഭസ്മവും കുങ്കുമവും

ദേവസ്വം ബോർഡ് ദിവസവേതനക്കാർക്കുള്ള പണം സീസൺ കഴിഞ്ഞ് അവരുടെ അക്കൗണ്ടുകളിലേക്കു നേരിട്ടാണ് നൽകുന്നത്. അതിനു മുൻപു പതിവായി ബാങ്ക് ഇടപാടുകൾ നടത്തിയതു സംശയം ജനിപ്പിച്ചതിനെ തുടർന്നാണ് വിജിലൻസ് അന്വേഷണം ആരംഭിച്ചത്. ബന്ധുക്കളുടെയും സുഹൃത്തുക്കളുടെയും പേരിലേക്കാണു മിക്കവരും പണം അയച്ചത്. നൂറിലേറെ പേരെയാണു കാണിക്ക പരിപാലനം ഉൾപ്പെടെ വിവിധ ജോലികൾക്കായി സന്നിധാനത്തു താൽക്കാലികമായി നിയമിച്ചിരുന്നത്.

ചില താൽക്കാലിക ജീവനക്കാർ പോസ്‌റ്റ് ഓഫിസ് വഴി 6,000 രൂപ വരെ പ്രതിദിനം അയച്ചെന്നാണു സൂചന. ഭസ്മം, കുങ്കുമം എന്നിവ കലർന്ന നോട്ടുകളാണു അയക്കാനായി ലഭിച്ചതെന്ന് പോസ്റ്റ് ഓഫിസ് ജീവനക്കാർ വിജിലൻസിനെ അറിയിച്ചിട്ടുള്ളതായി മലയാള മനോരമ റിപ്പോർട്ട് ചെയ്യുന്നു. സന്നിധാനത്തെ ബാങ്കുകളിൽനിന്നുള്ള വിവരങ്ങൾ ദേവസ്വം വിജിലൻസ് ശേഖരിച്ചിട്ടുണ്ട്. ഒരുലക്ഷം മുതൽ 2 ലക്ഷം രൂപ വരെ ബാങ്ക് ഇടപാടുകൾ നടത്തിയവരുടെ പട്ടിക ശേഖരിച്ചാണ് അന്വേഷ ണം. അനധികൃതമായി പണം സമ്പാദിച്ച 5 പേരെ ദേവസ്വം വിജിലൻസ് കണ്ടെത്തിയിട്ടുണ്ടെന്നാണു വിവരം. എസ്ബിഐ, ധനലക്ഷ്മി ബാങ്കുകളുടെ ശാഖകളാണു സന്നിധാനത്തു പ്രവർത്തിക്കുന്നത്.

advertisement