രാഹുൽ മാങ്കൂട്ടത്തിലിനെതിരായ കേസിൽ തെളിവെടുപ്പിൽ വീഴ്ച വരുത്തിയ ഡിവൈഎസ്പിക്ക് സസ്പെൻഷൻ

അതേസയം രാഹുലിനെ തെളിവെടുപ്പിന് എത്തിക്കുന്ന കൃത്യമായ സമയം തനിക്ക് അറിയില്ലായിരുന്നു എന്നാണ് ജില്ലാ പോലീസ് മേധാവി നൽകിയ മെമ്മോയ്ക്ക് നന്ദകുമാർ വിശദീകരണം നൽകിയത്.എന്നാൽ തെളിവെടുപ്പ് സമയം സംബന്ധിച്ച് ഡിവൈഎസ്പിക്ക് മുൻകൂട്ടി വിവരം നൽകിയിരുന്നതായി ഉത്തരവിൽ പറയുന്നു.

ഡിവൈഎസ്പി ഔദ്യോഗിക കൃത്യനിർവഹണത്തിൽ വീഴ്ച വരുത്തിയെന്നും ഉത്തരവിൽ പറയുന്നു. ഉദ്യോഗസ്ഥനെതിരെ അന്വേഷണത്തിനും സർക്കാർ ഉത്തരവിട്ടു. അന്വേഷണത്തിനായി യോഗ്യരായ ഉദ്യോഗസ്ഥരുടെ പാനൽ സമർപ്പിക്കാൻ സംസ്ഥാന പോലീസ് മേധാവിക്ക് നിർദേശം നൽകിയിട്ടുണ്ട്.