TRENDING:
സാധാരണ കുളങ്ങൾ എന്നത് വെറും പരിമിതമായ സ്ഥലത്തുള്ളവയും ചിലത് ക്ഷേത്രങ്ങളോട് ചേർന്ന് ചെറിയ കുളങ്ങളും ഒക്കെയാകുമ്പോൾ ചെങ്കൽ വലിയകുളം വ്യത്യസ്തമാകുന്നത് അതിൻ്റെ വലിപ്പത്തിൻ്റെ കാര്യത്തിൽ തന്നെയാണ്. ഏകദേശം 25 ഓളം ഏക്കറിൽ പരന്നുകിടക്കുന്ന ഒരു കുളം എന്നത് കേരളത്തിൽ തന്നെ വളരെ അപൂർവ്വമാണ്.
ഇത് മാത്രമല്ല ചെങ്കൽ വലിയകുളത്തിൻ്റെ സവിശേഷത. പ്രാദേശികമായി നടത്തുന്ന ജലമേളകൾക്കും വള്ളംകളി മത്സരങ്ങൾക്കും ഈ കുളം ഉപയോഗിക്കാൻ ആകുമെന്ന് മുൻപേ കണ്ടെത്തിയിരുന്നു. ആ സാധ്യതകൾ കൂടി പരിഗണിക്കുകയാണെങ്കിൽ മികച്ചൊരു വിനോദസഞ്ചാര കേന്ദ്രമായി ചെങ്കൽ വലിയകുളം മാറിയേക്കും. നിലവിൽ വൈകുന്നേരങ്ങളിൽ പ്രാദേശികമായി ധാരാളം സഞ്ചാരികൾ എത്തുന്ന ഇവിടം പച്ചപ്പ് നിറഞ്ഞ പ്രകൃതി കൊണ്ട് ആരെയും ആകർഷിക്കുന്നുണ്ട്. മനോഹരമായ ഇരിപ്പിടങ്ങളും മറ്റു സജ്ജീകരണങ്ങളും ഒക്കെ വരുന്നതോടുകൂടി കൂടുതൽ പേർ ചെങ്കലിലെ വലിയകുളം ആസ്വദിക്കാൻ എത്തുമെന്ന് ഉറപ്പാണ്. മനോഹരമായ പ്രകൃതിയും ഇത്രയും വിശാലമായ കുളവും ആരെയും ആകർഷിക്കുന്ന ഒന്നാണ്. കേരളത്തിലെ തന്നെ ഏറ്റവും വലിയ രണ്ടാമത്തെ കുളം ആണത്രേ ചെങ്കലിലേത്. ചെങ്കൽ മഹാദേവക്ഷേത്രത്തിലേക്ക് സന്ദർശനം നടത്തുന്നവർക്കും സന്ദർശിക്കാൻ പറ്റിയ ഇടം കൂടിയാണിത്.
advertisement
Click here to add News18 as your preferred news source on Google.