ലഹരി വിരുദ്ധ പോരാട്ടത്തിന് കാൽപന്തിൻ്റെ ആവേശം

യുവതലമുറയെ ലഹരിയിൽ നിന്ന് അകറ്റിനിർത്താൻ കായിക വിനോദങ്ങൾക്കുള്ള പ്രാധാന്യം ഊന്നിപ്പറയുന്നതായിരുന്നു ഈ മത്സരം. ടർഫിൻ്റെയും ടൂർണമെൻ്റിൻ്റെയും ഉദ്ഘാടനം പൊതുവിദ്യാഭ്യാസം, തൊഴിൽ വകുപ്പ് മന്ത്രി വി. ശിവൻകുട്ടി നിർവഹിച്ചു. ഇന്ത്യൻ ഫുട്ബോൾ രംഗത്തെ പ്രമുഖ താരമായ സി.കെ. വിനീത് മുഖ്യാതിഥിയായി ചടങ്ങിൽ പങ്കെടുത്തു.

പുതിയ ടർഫ്, പ്രദേശത്തെ കായിക പ്രതിഭകൾക്ക് പ്രോത്സാഹനം നൽകുമെന്നും, ഫുട്ബോൾ അടക്കമുള്ള കായിക വിനോദങ്ങളിൽ കൂടുതൽ പേരെ സജീവമാക്കാൻ ഇത് പ്രചോദനമാകുമെന്നും പ്രതീക്ഷിക്കുന്നു. ആദ്യ ദിനം തന്നെ നിരവധി കായികപ്രേമികൾ ആണ് ടർഫിൽ എത്തിയത്. രാഷ്ട്രീയ സാമൂഹ്യ സാംസ്കാരിക രംഗത്തെ നിരവധി പേരും ചടങ്ങിൽ പങ്കെടുത്തു. ഫുട്ബോൾ മത്സര രംഗത്ത് കേരളത്തിൻ്റെ അഭിമാനമായി മാറിയ സി കെ വിനീത് ചടങ്ങിൽ മുഖ്യ ആകർഷണമായിരുന്നു.

advertisement