തിരുവനന്തപുരം മേയർക്ക് വയനാട്ടിൽ നിന്ന് സഹായത്തിനായി ഒരു കത്ത്; വീട് വെച്ചു നൽകുമെന്ന് വിവി രാജേഷ്

തന്റെ മേൽവിലാസത്തിൽ വയനാട്ടിൽ നിന്ന് ലഭിച്ച ഈ കത്തിനെ കോർപ്പറേഷൻ നടപ്പിലാക്കുന്ന വികസന പദ്ധതികൾക്കുള്ള അംഗീകാരമായിട്ടാണ് കാണുന്നതെന്ന് അദ്ദേഹം പറഞ്ഞു. വളരെ ബുദ്ധിമുട്ടനുഭവിക്കുന്ന ഒരു കുടുംബത്തിന്റെ അപേക്ഷയാണെന്നും പദ്ധതിയുടെ ഭാഗമായോ അല്ലെങ്കിൽ സ്പോൺസർഷിപ്പ് വഴിയോ അവർക്കൊരു വീട് ഉറപ്പാക്കുമെന്നും മേയർ വ്യക്തമാക്കി.

ബജറ്റിൽ പ്രഖ്യാപിച്ച പി.എം.ബി.വൈ. ഭവന പദ്ധതിയെക്കുറിച്ചുള്ള വാർത്തകൾ അറിഞ്ഞാണ് വയനാട്ടിൽ നിന്ന് ഇത്തരമൊരു കത്ത് വന്നതെന്നാണ് സൂചന. രാഷ്ട്രീയമായ വിയോജിപ്പുകളും പ്രതിപക്ഷത്തിന്റെ കടുത്ത പ്രതിഷേധങ്ങളും സഭയിൽ നിലനിന്നിരുന്നെങ്കിലും ഒരു സാധാരണക്കാരന്റെ അപേക്ഷ പരിഗണിച്ച് വീട് നൽകാനുള്ള മേയറുടെ തീരുമാനം കൗൺസിലിൽ ശ്രദ്ധ നേടി. ഭരണസമിതിയുടെ ജനപക്ഷ നിലപാടിന്റെ തെളിവാണ് ഈ നീക്കമെന്ന് ഡെപ്യൂട്ടി മേയർ ആശാനാഥ്‌ കൂട്ടിച്ചേർത്തു.

advertisement