അന്താരാഷ്ട്ര ഭിന്നശേഷി ദിനത്തിൽ തിരുവനന്തപുരത്ത് കായികമേള; 200-ൽ അധികം കുട്ടികൾ പങ്കെടുത്തു

മേളയിൽ പങ്കെടുത്ത കുട്ടികളുടെ പ്രകടനങ്ങൾ എല്ലാവരെയും ആകർഷിച്ചു. ഐ.എം.എ. കേരള സംസ്ഥാന സെക്രട്ടറി ഡോ. റോയ് ആർ. ചന്ദ്രൻ ഉൾപ്പെടെയുള്ള പ്രമുഖർ കുട്ടികളെ അഭിനന്ദിച്ചു. കുട്ടികൾ രാജ്യത്തിൻ്റെ ഭാവിയാണ്. അവരുടെ കഴിവുകളും ഉത്സാഹവും സമൂഹത്തിന് പുതിയ പ്രചോദനമാണ് എന്നും അദ്ദേഹം പറഞ്ഞു. കായിക മത്സരങ്ങൾക്കൊപ്പം കായിക വൈദ്യശാസ്ത്രം, പുനരധിവാസം, ഭിന്നശേഷി പരിചരണം എന്നിവയുടെ പ്രാധാന്യത്തെക്കുറിച്ചുള്ള ഫിസിക്കൽ മെഡിസിൻ ആൻഡ് റീഹാബിലിറ്റേഷൻ വിഭാഗത്തിൻ്റെ ബോധവത്കരണ ക്ലാസുകളും സംഘടിപ്പിച്ചു. കുട്ടികൾ പ്രകടിപ്പിച്ച ആത്മവിശ്വാസവും ഊർജ്ജവും പരിപാടിയെ കൂടുതൽ ഉജ്ജ്വലമാക്കി. ഇവരുടെ സ്വപ്നങ്ങൾക്കും മുന്നേറ്റങ്ങൾക്കും പിന്തുണയുമായി ഇത്തരം പരിപാടികൾ വലിയ പ്രാധാന്യം വഹിക്കുന്നുമെന്ന് സംഘാടകർ വ്യക്തമാക്കി.

advertisement