ബസില്‍ നിന്നിറങ്ങിയശേഷം റോഡ് മുറിച്ച് കടന്ന സ്ത്രീയ്ക്ക് അതേ ബസിടിച്ച് ഗുരുതര പരിക്ക്

അടിമലത്തുറയിലുളള സഹോദരിയുടെ മകനെ കണ്ടശേഷം തിരികെ പൂവാര്‍ - വിഴിഞ്ഞം ബസില്‍ കയറിയ ഇവര്‍ മുക്കോലയില്‍ ഇറങ്ങിയിരുന്നു. തുടര്‍ന്ന് ബാലരാമപുരത്തേക്കുളള ബസ്റ്റോപ്പില്‍ എത്തുന്നതിനായി റോഡ് മുറിച്ച് കടക്കാന്‍ ശ്രമിക്കവെയാണ് മുന്നോട്ടെടുത്ത ബസിടിച്ചത്. വീഴ്ചയിൽ വലത് കൈ മുന്‍ചക്രത്തിനടിയിൽ പെടുകയും മുഖം തറയിൽ ഉരയുകയും ചെയ്തു. വിഴിഞ്ഞം പോലീസ് സ്ഥലത്തെത്തി 108 ആംബുലന്‍സില്‍ മെഡിക്കല്‍ കോളേജ് ആശുപത്രിയിലെത്തിച്ചു. നിലവിൽ സ്റ്റെല്ല തീവ്രപരിചരണ വിഭാഗത്തില്‍ ചികിത്സയിലാണ്.സംഭവത്തില്‍ വിഴിഞ്ഞം പോലീസ് കേസെടുത്തു.