ചിലര്‍ ടിക് ടോക്കിന്റെ വെബ്‌സൈറ്റ് ലോഡ് ചെയ്യാന്‍ കഴിഞ്ഞതായി പറഞ്ഞുവെങ്കിലും ചില ഉപയോക്താക്കള്‍ അത് ലഭ്യമാകുന്നില്ലെന്ന് അറിയിച്ചു.
ഇന്ത്യയില്‍ ടിക് ടോക്ക് നിരോധിച്ചത് എന്തുകൊണ്ട്?
2020 ജൂണിലാണ് 59 ചൈനീസ് ആപ്പുകള്‍ക്ക് ഇന്ത്യയില്‍ കേന്ദ്രസര്‍ക്കാര്‍ നിരോധനമേര്‍പ്പെടുത്തിയത്. ഇതില്‍ ടിക് ടോക്കും ഉള്‍പ്പെടുന്നു. ഇന്ത്യയുടെ പരമാധികാരത്തിനും സമഗ്രതയ്ക്കും ഇന്ത്യയുടെ പ്രതിരോധമേഖലയിലും സംസ്ഥാനങ്ങളുടെ സുരക്ഷയിലും പൊതുക്രമത്തിനും ഹാനികരമായ പ്രവര്‍ത്തനങ്ങളില്‍ ഈ ആപ്പുകള്‍ ഏര്‍പ്പെട്ടിരുന്നുവെന്ന് വ്യക്തമാക്കിയാണ് കേന്ദ്ര ഇലക്ട്രോണിക്‌സ്, ഐടി മന്ത്രാലയം നിരോധനം ഏർപ്പെടുത്തിയത്.
advertisement
ലഡാക്കിലെ ഗാല്‍വന്‍ താഴ്‌വരയില്‍ ഇന്ത്യ-ചൈനീസ് സൈനികര്‍ തമ്മില്‍ ഏറ്റുമുട്ടിയതിന് പിന്നാലെയാണ് ചൈനീസ് ആപ്പുകള്‍ക്ക് നിരോധനമേര്‍പ്പെടുത്തിയത്. അടുത്ത പതിറ്റാണ്ടുകളില്‍ ഇന്ത്യ-ചൈനീസ് ഉഭയകക്ഷി ബന്ധത്തിലുണ്ടായ വലിയ തകര്‍ച്ചകളിലൊന്നായിരുന്നു ഇത്.
അടുത്ത നടപടി എന്ത്?
ഇന്ത്യയില്‍ ഏറ്റവും കൂടുതല്‍ ഡൗണ്‍ലോഡ് ചെയ്യപ്പെട്ട ആപ്പുകളിലൊന്നാണ് ടിക് ടോക്ക്. 200 മില്ല്യണിലധികം ഉപയോക്താക്കളാണ് ടിക് ടോക്കിന് ഇന്ത്യയില്‍ ഉള്ളത്. ഇന്ത്യന്‍ വിപണിയില്‍ വീണ്ടും പ്രവേശിക്കാനുള്ള പദ്ധതികളൊന്നും ടിക് ടോക്ക് ഔദ്യോഗികമായി പ്രഖ്യാപിച്ചിട്ടില്ല. ആപ്പിനുള്ള നിരോധനം നിലവില്‍ തുടരുകയാണ്.