മാനസിക സമ്മര്‍ദ്ദം കൂടുമ്പോള്‍ സ്ത്രീകളുടെ കഴുത്ത്, തോളുകള്‍, എന്നിവിടങ്ങളില്‍ വേദനയുണ്ടാകുമെന്നാണ് പറയപ്പെടുന്നത്. മാനസിക പിരിമുറുക്കങ്ങള്‍ സ്വാധീനിക്കുന്ന ശരീരഭാഗങ്ങളാണിത്. മാനസിക സമ്മര്‍ദ്ദം മൂലമുണ്ടാകുന്ന പേശികളിലെ വ്യതിയാനം തലവേദനയിലേക്കും മൈഗ്രേനിലേക്കും വരെ നിങ്ങളെ നയിക്കുമെന്ന് വിദഗ്ധര്‍ പറയുന്നു.
മാനസിക സമ്മര്‍ദ്ദം കൂടുന്നത് നിങ്ങളെ ഫൈബ്രോമയാള്‍ജിയ എന്ന രോഗാവസ്ഥയിലേക്ക് നയിക്കും. കൂടാതെ ടെന്‍ഷന്‍ കാരണമുണ്ടാകുന്ന തലവേദനയും ഇത്തരക്കാരില്‍ കൂടും. സ്ത്രീകള്‍ക്ക് ഈ രോഗാവസ്ഥയുണ്ടാകാനുള്ള സാധ്യത വളരെ കൂടുതലാണ്.
നിങ്ങളുടെ ഉറക്കത്തെ സ്വാധീനിക്കാനും മാനസിക സമ്മര്‍ദ്ദത്തിന് കഴിയും. ഉറക്കത്തിലെ വ്യതിയാനം നിങ്ങള്‍ക്ക് ശരീര വേദനയുണ്ടാകാന്‍ കാരണമാകുകയും ചെയ്യും. ഉറക്കക്കുറവ് പേശികളുടെ സ്വാഭാവിക ചലനത്തെ ബാധിക്കും. അതിലൂടെ ശരീരത്തിന്റെ മറ്റുഭാഗങ്ങളിലും വേദന അനുഭവപ്പെടുകയും ചെയ്യും.
advertisement
എന്നാല്‍ സ്ത്രീകളിലെ ശരീരവേദനയ്ക്ക് മാനസിക സമ്മര്‍ദ്ദം മാത്രമാണ് കാരണമെന്ന് ഒറ്റയടിയ്ക്ക് പറയാനാകില്ല. മാനസിക സമ്മര്‍ദ്ദം കുറയ്ക്കാനുള്ള വ്യായാമങ്ങള്‍ ചെയ്യുകയോ മാനസികാരോഗ്യ വിദഗ്ധനെ കണ്ട് ചികിത്സ ഉറപ്പാക്കുകയോ ചെയ്യുന്നതിലൂടെ നിങ്ങളുടെ ശരീരവേദനയുമായി ബന്ധപ്പെട്ട പ്രശ്‌നങ്ങള്‍ ഒരുപരിധിവരെ കുറയ്ക്കാന്‍ സാധിക്കും.
ചുരുക്കത്തില്‍ മാനസിക സമ്മര്‍ദ്ദം സ്ത്രീകളില്‍ ശരീരവേദനയുണ്ടാക്കുന്നതാണ്. എന്നാല്‍, ഇവ രണ്ടും തമ്മിലുള്ള ബന്ധം വിലയിരുത്തിയ ശേഷം മാത്രമേ അനുയോജ്യമായ ചികിത്സാ രീതി അവലംബിക്കാവൂ.
Summary: Does mental agony cause body pain in women? Learn what causes intense pain that you suffer in specific body parts