സൗദിയില്‍ അഞ്ച് വര്‍ഷത്തിനിടെ ഇസ്ലാം മതം സ്വീകരിച്ചത് മൂന്നര ലക്ഷം പേര്‍

സൗദി അറേബ്യയുടെ വിവിധ ഭാഗങ്ങളിലുള്ള 423 വിദേശ പ്രഭാഷകരും 457 ദഅ്‌വ സമൂഹങ്ങളും ഇതിനായി സംഭാവന നല്‍കിയതായി റിപ്പോര്‍ട്ട് വ്യക്തമാക്കുന്നു.

2019ല്‍ 21645 പേരും 2020ല്‍ 41441 പേരുമാണ് സൗദിയില്‍ ഇസ്ലാം മതത്തിലേക്ക് പരിവര്‍ത്തനം ചെയ്യപ്പെട്ടത്. 2021ലാകട്ടെ 27333 പേരും 2022ല്‍ 93899 പേരും 2023ല്‍ 163319 പേരുമാണ് ഇസ്ലാം മതം സ്വീകരിച്ചത്. ഇതര മതവിഭാഗങ്ങളില്‍പ്പെട്ടവരുടെ ഇടയില്‍ ഇസ്ലാം മതത്തെക്കുറിച്ചും മൂല്യങ്ങളെക്കുറിച്ചും സൗദിയുടെ ഇസ്ലാമിക കാര്യമന്ത്രാലയം സജീവമായി പ്രോത്സാഹനം നൽകുന്നുണ്ട്. ഇസ്ലാംമതത്തിന്റെ സഹിഷ്ണുത നിറഞ്ഞ മൂല്യങ്ങള്‍ പ്രോത്സാഹിപ്പിക്കുന്നതിനൊപ്പം മതത്തെക്കുറിച്ചുള്ള തെറ്റിദ്ധാരണകളും സംശയങ്ങളും ദുരീകരിക്കുന്നതിനായും മന്ത്രാലയം പ്രവര്‍ത്തിക്കുന്നു. ഇതിനായി പ്രഭാഷണങ്ങള്‍, പ്രസംഗങ്ങള്‍, സെമിനാറുകള്‍, ശില്‍പ്പശാലകള്‍ എന്നിവയും നടത്തുന്നുണ്ട്.

advertisement