രാജ്യത്തെ ഏക സ്വകാര്യ റെയിൽവേ ലൈൻ; സർക്കാർ വര്‍ഷം തോറും ബ്രിട്ടീഷ് കമ്പനിയ്ക്ക് കൊടുക്കുന്നത് ഒരു കോടി

മഹാരാഷ്ട്രയിലാണ് ഈ സ്വകാര്യ റെയിൽവേ ലൈൻ. ഇതിപ്പോഴും ബ്രിട്ടീഷ് കമ്പനിയ്ക്ക് കീഴിലാണ്. യാവത്മാലിനും മുർത്തിജാപൂരിനും ഇടയ്ക്കാണ് ഈ ലൈൻ. 190 കിലോമീറ്റർ ദൈർഘ്യമുള്ള ഈ നാരോ ഗേജ് അറിയപ്പെടുന്നത് ശകുന്തള റെയിൽവേസ് എന്നാണ്. ബ്രിട്ടീഷ് സർക്കാരിന്റെ കാലത്താണ് ഈ ലൈൻ നിർമ്മിച്ചത്. 1952ൽ റെയിൽവേ ദേശസാൽക്കരിച്ചപ്പോൾ ഈ റൂട്ട് ഉൾപ്പെടുത്തിയിരുന്നില്ല. 19-ാം നുറ്റാണ്ടിൽ ബ്രിട്ടീഷ് കമ്പനി സ്ഥാപിച്ച ഈ ലൈൻ ഇപ്പോഴും അവരുടേതായി തന്നെ തുടരുന്നു.

കൂടാതെ ട്രെയിൻ സർവ്വീസ് നടത്തുന്നതിന് ഇന്ത്യാ ഗവൺമെന്റ് വർഷം തോറും 1 കോടി രൂപ വെച്ചാണ് കമ്പനിയ്ക്ക് നൽകുന്നത്. കില്ലിക്-നിക്‌സൺ എന്ന സ്വകാര്യ ബ്രിട്ടീഷ് കമ്പനിയാണ് ശകുന്തള റെയിൽവേസ് സ്ഥാപിച്ചത്. 1910ലായിരുന്നു ഈ ലൈൻ സ്ഥാപിച്ചത്.

advertisement

Also read-വിശ്വാസം അതാണല്ലോ എല്ലാം ! കണ്ടക്ടറില്ല, ഡബിള്‍ ബെല്ലില്ല; അടിപൊളിയാണ് അനന്തപുരി ബസ്

ദിവസത്തിൽ ഒരു തവണ മാത്രം സർവ്വീസ് നടത്തുന്ന നാരോ ഗേജാണിത്. മഹാരാഷ്ട്രയിലെ അമരാവതി ജില്ലയിലെ യാവത്മാൽ മുതൽ അചൽപൂർ വരെയുള്ള ട്രെയിൻ യാത്രയ്ക്ക് ഏകദേശം 20 മണിക്കൂറാണ് വേണ്ടത്. ഈ രണ്ട് ഗ്രാമങ്ങളിലേയും ആളുകൾക്ക് ഒരു അനുഗ്രഹമാണ് ഈ പുരാതന റെയിൽവേ ലൈൻ. ഏകദേശം 150 രൂപയാണ് ഈ യാത്രയ്ക്കായി ചെലവാകുന്നത്. 1921ൽ മാഞ്ചസ്റ്ററിൽ നിർമ്മിച്ച ഇസഡ്ഡി എഞ്ചിനാണ് ഈ ട്രെയിനിൽ ഘടിപ്പിച്ചിരിക്കുന്നത്.

1923 മുതൽ ഏകദേശം 70 വർഷക്കാലം ഈ എഞ്ചിനാണ് ശകുന്തള റെയിൽവേസിനായി ഉപയോഗിച്ചത്. പിന്നീട് 1994 ഏപ്രിൽ 15ന് ഡീസൽ മോട്ടോർ ട്രെയിനിൽ സ്ഥാപിച്ചു.

യാവത്മാലിലെ പരുത്തി മുംബൈ തീരത്തേക്ക് എത്തിക്കാൻ വേണ്ടിയാണ് ഈ നാരോ ഗേജ് ബ്രിട്ടീഷുകാർ പണിതത്.

Also read-സംസ്ഥാനത്തെ ആദ്യത്തെ വാഹനം പൊളിക്കല്‍ കേന്ദ്രം നിര്‍മിക്കാന്‍ KSRTC; അനുമതി നൽകി സർക്കാർ ഉത്തരവിറക്കി

നിരവധി പേരാണ് റെയിൽവേ ഗതാഗത മേഖലയിൽ ഇന്ന് പ്രവർത്തിക്കുന്നത്. അതേസമയം യാവത്മാൽ-മുർതിസ്പൂർ-അചൽപൂർ റെയിൽവേ ലൈനിനെ ബ്രോഡ്‌ഗേജ് ആക്കിയുയർത്തണമെന്ന് മുൻ റെയിൽവേ മന്ത്രി സുരേഷ് പ്രഭു പറഞ്ഞിരുന്നു. ഇതിനായി 1500 കോടി രൂപ അദ്ദേഹം അന്നത്തെ ബജറ്റിൽ അനുവദിക്കുകയും ചെയ്തിരുന്നു.