എറണാകുളം-ബെംഗളൂരു റൂട്ടിലെ യാത്ര എളുപ്പമാക്കുന്നതിൽ ഈ വന്ദേഭാരത് നിർണായക പങ്ക് വഹിക്കും. ഏകദേശം 630 കിലോമീറ്റർ ദൈർഘ്യം 8 മണിക്കൂറിനുള്ളിൽ സഞ്ചരിക്കാൻ ഈ എക്സ്പ്രസ് ട്രെയിനിന് സാധിക്കും എന്നതാണ് പ്രത്യേകത. നിലവിലുള്ള യാത്രാസമയത്തിൽ ഇത് വലിയ കുറവ് വരുത്തും.
ഇതും വായിക്കുക: മദ്യപിച്ച് ട്രെയിനില്‍ യാത്ര ചെയ്യല്ലേ! ആല്‍ക്കോമീറ്റർ ഉപയോഗിച്ച് പരിശോധന; പിടിച്ചാൽ 'പണി' ഉറപ്പ്
സമയക്രമം
ബുധനാഴ്ച ഒഴികെ ആഴ്ചയിൽ ആറു ദിവസമാണ് എറണാകുളം-ബെംഗളൂരു വന്ദേ ഭാരത് സർവീസ് നടത്തുക.
advertisement
ബെംഗളൂരുവിൽ നിന്ന് രാവിലെ 5.10ന് യാത്ര ആരംഭിക്കുന്ന ട്രെയിൻ ഉച്ചയ്ക്ക് 1.50ന് എറണാകുളത്ത് എത്തിച്ചേരും.
എറണാകുളത്ത് നിന്ന് മടക്കയാത്ര ഉച്ചയ്ക്ക് 2.20ന് എറണാകുളത്ത് നിന്ന് ആരംഭിച്ച് രാത്രി 11 മണിക്ക് ബെംഗളൂരുവിൽ അവസാനിക്കും.
പ്രധാന സ്റ്റോപ്പുകൾ
യാത്രാവേളയിൽ ഒൻപത് പ്രധാന സ്റ്റോപ്പുകളാണ് ട്രെയിനിനുണ്ടാവുക. കേരളത്തിൽ തൃശൂർ, പാലക്കാട് എന്നിവിടങ്ങളിലാണ് വന്ദേ ഭാരതിന് സ്റ്റോപ്പുകളുള്ളത്. തമിഴ്നാട്ടിലെ കോയമ്പത്തൂർ, തിരുപ്പൂർ, ഈറോഡ്, സേലം, കർണാടകയിലെ കൃഷ്ണരാജപുരം (കെആർ പുരം) എന്നിവയാണ് മറ്റു പ്രധാന സ്റ്റോപ്പുകൾ. ബംഗാർപേട്ട്, കുപ്പം, തിരുപ്പത്തൂർ വഴിയായിരിക്കും സർവീസ്.
Summary: The Ernakulam-Bengaluru Vande Bharat Express service will be flagged off by Prime Minister Narendra Modi on Saturday morning. The general public will be able to book tickets and travel starting from Sunday. Prime Minister Narendra Modi will virtually flag off the new service from Varanasi at 8:20 AM on Saturday morning. The inauguration of other Vande Bharat services to various parts of the country will also take place as part of this event.