Kerala Budget 2026 Live: സർക്കാർ ജീവനക്കാരുടെ ശമ്പളപരിഷ്കരണം പ്രഖ്യാപിച്ചു

Kerala Budget 2026 Live Updates: രണ്ടാം പിണറായി സർക്കാറിന്റെ അവസാന ബജറ്റ് ധനമന്ത്രി കെ എൻ ബാലഗോപാൽ നിയമസഭയിൽ അവതരിപ്പിച്ചു. തുടർച്ചയായ ആറാമത്തെ ബജറ്റ് ആണ് ധനമന്ത്രി കെ എൻ ബാലഗോപാൽ അവതരിപ്പിച്ചത്. തിരഞ്ഞെടുപ്പ് ലക്ഷ്യമിട്ടുള്ള ക്ഷേമ പ്രഖ്യാപനങ്ങളുടെ ഒരു നിര ബജറ്റിലുണ്ട്. സർക്കാർ ജീവനക്കാർക്ക് വലിയ ആനുകൂല്യങ്ങൾ ബജറ്റിലുണ്ട്.  സ്വപ്ന ബജറ്റല്ല, മറിച്ച് പ്രായോഗിക ബജറ്റാകും അവതരിപ്പിക്കുകയെന്ന് കെ എൻ ബാലഗോപാൽ പറഞ്ഞു. നല്ലതുപോലെ എല്ലാവരും ഇഷ്ടപ്പെടുന്നതാകും ബജറ്റ്.
സർക്കാരുകൾ ഏതായാലും ഈ സർക്കാരിൻ്റെ തുടർച്ചയായി വിഭാവനം ചെയ്യാൻ കഴിയുന്ന ക്ഷേമ പ്രവർത്തനങ്ങൾ അടങ്ങിയതായിരിക്കും ബജറ്റ്. വീണ്ടും ഇടതുപക്ഷം അധികാരത്തിൽ വന്നാൽ ചെയ്തുതീർക്കാൻ കഴിയുന്ന കാര്യങ്ങളാകും ബജറ്റിൽ ഉണ്ടാകുക. വെറും പ്രഖ്യാപനങ്ങൾ മാത്രമല്ല വേണ്ടത്, ധനകാര്യ സ്ഥിതി പ്രധാനം. സ്കീമുകളുടെ പ്രത്യേകത ഉൾപ്പെടെ ബജറ്റിൽ ചേർത്തിട്ടുണ്ടെന്നും മന്ത്രി പറഞ്ഞു.