Gold Rate: പുത്തൻ റെക്കോർഡിട്ട് സ്വർണം; വിലയിൽ വൻ വർധനവ്; രാജ്യാന്തരവില ഔൺസിന് 4,592 ഡോളർ പിന്നിട്ടു|kerala gold price update on 13 january 2025 know the rates

രാജ്യാന്തര സ്വർണവില ഔൺസിന് 4,592 ഡോളർ നിലവാരത്തിൽ തുടരുന്നു

തിരുവനന്തപുരം: സംസ്ഥാനത്തെ സ്വർണവിലയിൽ (Kerala Gold Rate) ഇന്നും വർധനവ്. പവൻ വില ആദ്യമായി 1,04,520 രൂപയിലെത്തി. നിലവിൽ കേരളത്തിൽ രേഖപ്പെടുത്തിയിട്ടുള്ള ഏറ്റവും ഉയർന്ന സ്വര്ണവിലയാണിത്. ഗ്രാമിന് 35 രൂപ വർധിച്ച് 13,065 രൂപയിലെത്തി. രാജ്യാന്തര സ്വർണവില ഔൺസിന് 4,592 ഡോളർ നിലവാരത്തിൽ തുടരുന്നു. ഇന്നത്തെ വിലയിൽ ഒരു പവൻ സ്വർണാഭരണം വാങ്ങാൻ കുറഞ്ഞത് 10 ശതമാനം പണിക്കൂലി കണക്കാക്കിയാൽ 1,18,500 രൂപയെങ്കിലും നൽകേണ്ടി വരും. ഒരു ഗ്രാം 24 കാരറ്റ് സ്വർണത്തിന് 14,253 രൂപയും, പവന് 1,14,024 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 10,690 രൂപയും പവന് 85,520 രൂപയുമാണ് വില. വെള്ളി വില ഗ്രാമിന് 292 രൂപയും കിലോഗ്രാമിന് 2,92,000 രൂപയുമാണ് ഇന്നത്തെ നിരക്ക്. സ്വർണവില ലക്ഷം കടന്നതോടെ സാധാരണക്കാർക്കും ആഭരണപ്രിയർക്കും സ്വർണം വാങ്ങുന്നത് അപ്രാപ്യമായി മാറുകയാണ്.

ഭൗമരാഷ്ട്രീയ സംഘർഷങ്ങൾ അയവില്ലാതെ തുടരുന്നതാണ് സ്വർണവില ഉയരാനുള്ള കാരണങ്ങളിൽ ഒന്ന്. യുഎസ്-വെനസ്വേലയുമായി ബന്ധപ്പെട്ട ആശങ്കയാണ് സ്വർണത്തെ സുരക്ഷിത നിക്ഷേപമായി കാണാൻ നിക്ഷേപകരെ പ്രേരിപ്പിച്ചത്. ക്രൂഡ് ഓയില്‍ വില ഉയരുന്നത് ഇന്ത്യന്‍ രൂപയ്ക്ക് തിരിച്ചടിയാണ്. വെനസ്വേലയിലെ പ്രശ്‌നങ്ങള്‍, ഇറാനിലെ പ്രക്ഷോഭം എന്നിവയാണ് ക്രൂഡ് ഓയില്‍ വില ഉയരാനുള്ള കാരണങ്ങളായി ചൂണ്ടിക്കാട്ടുന്നത്. ക്രൂഡ് ഓയില്‍ വില ഉയര്‍ന്നാല്‍ ഇന്ത്യയുടെ ഇറക്കുമതി ചെലവ് ഉയരും. ഇന്ത്യന്‍ രൂപയുടെ മൂല്യം ഇടിയാന്‍ ഇത് കാരണമാകും. സ്വര്‍ണവില ഉയരാന്‍ വഴിയൊരുക്കുകയും ചെയ്യും.