Gold Rate: സംസ്ഥാനത്തെ സ്വർണവില വരും ദിവസങ്ങളിൽ 80000 കടക്കുമോ? നിരക്ക് അറിയാം|kerala gold rate update on 7th september 2025 know the rates

ഒരു ഗ്രാം 22 കാരറ്റ് സ്വർണം ലഭിക്കാൻ ഇന്ന് 9945 രൂപ നൽകണം

തിരുവനന്തപുരം: സർവകാല റെക്കോർഡിൽ തുടർന്ന് സംസ്ഥാനത്തെ സ്വർണവില (Gold Rate). ഒരു പവൻ സ്വർണത്തിന്റെ ഇന്നത്തെ നിരക്ക് 79,560 രൂപയാണ്. ഒരു ഗ്രാം 22 കാരറ്റ് സ്വർണം ലഭിക്കാൻ ഇന്ന് 9945 രൂപ നൽകണം. ആഭരണപ്രേമികൾക്ക് ആശങ്ക ജനിപ്പിക്കുന്ന കാഴ്ച്ചയാണ് വിപണിയിൽ കാണാൻ സാധിക്കുന്നത്. ചരിത്രത്തിലെ തന്നെ ഉയർന്ന നിരക്കിലാണ് ഇന്നത്തെ സ്വർണവ്യാപാരം പുരോഗമിക്കുന്നത്.

ഇന്ന് ഒരു ഗ്രാം 24 കാരറ്റ് സ്വർണത്തിന് 10,849 രൂപയും പവന് 86,792 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 8,137 രൂപയും പവന് 65,096 രൂപയുമാണ് നിരക്ക്. ഇന്നത്തെ വെള്ളി വില ഗ്രാമിന് 138 രൂപയും കിലോഗ്രാമിന് 1,38,000 രൂപയുമാണ്. കേരളത്തിൽ ഇന്ന് ഒരു പവന്‍ ആഭരണം വാങ്ങുന്നവര്‍ക്ക് 86,245 രൂപ വരെ ചെലവ് പ്രതീക്ഷിക്കാം. കുറഞ്ഞ പണിക്കൂലിയിലാണ് ഈ ആഭരണം ലഭിക്കുക. അതേസമയം, ഡിസൈന്‍ കൂടുതലുള്ള ആഭരണങ്ങള്‍ക്ക് പണിക്കൂലി വര്‍ധിക്കും. പഴയ സ്വര്‍ണം ഇന്ന് വില്‍ക്കുന്നവര്‍ക്ക് 76000 രൂപ വരെ ഒരു പവന് ലഭിച്ചേക്കും.