Gold Rate: 96000 കടക്കാനൊരുങ്ങി പൊന്ന്! വിലയിൽ വർധനവ്; നിരക്ക് അറിയാം|kerala gold rate update on december 1st 2025 know the rates

രാജ്യാന്തര സ്വർണവില ഔൺസിന് 18 ഡോളർ ഉയർന്ന് 4,238 ഡോളർ നിലവാരത്തിൽ തുടരുന്നു

തിരുവനന്തപുരം: സംസ്ഥാനത്തെ സ്വർണവിലയിൽ (Gold Rate) ഇന്ന് വർധനവ്. പവന് 480 രൂപ ഉയർന്ന് 95680 രൂപയിലെത്തി. ഗ്രാമിന് 60 രൂപ കുടി 11,960 രൂപയിലെത്തി. രാജ്യാന്തര സ്വർണവില ഔൺസിന് 18 ഡോളർ ഉയർന്ന് 4,238 ഡോളർ നിലവാരത്തിൽ തുടരുന്നു. ഒരു ഗ്രാം 24 കാരറ്റ് സ്വർണത്തിന് 13,048 രൂപയും, പവന് 1,04,384 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 9,786 രൂപയും പവന് 78,288 രൂപയുമാണ് വില. വെള്ളി വില ഗ്രാമിന് 196 രൂപയും കിലോഗ്രാമിന് 1,96,000 രൂപയുമാണ് ഇന്നത്തെ നിരക്ക്.

യുഎസിൽ പലിശനിരക്ക് താഴാനുള്ള സാധ്യത, യുഎസ് ഡോളർ ഇൻഡക്സിന്റെ വീഴ്ച എന്നിവയാണ് സ്വർണവില വർധിക്കാൻ കാരണം. ആഗോള തലത്തിലെ സാമ്പത്തിക അനിശ്ചിതത്വങ്ങൾ, വർദ്ധിച്ച പണപ്പെരുപ്പ ഭീതി, ഡോളറിനെതിരെ ഇന്ത്യൻ രൂപയുടെ മൂല്യത്തിലുണ്ടായ തുടർച്ചയായ ഇടിവ് തുടങ്ങിയ ഘടകങ്ങളാണ് നിക്ഷേപകരെ സ്വർണത്തിലേക്ക് തിരിയാൻ പ്രേരിപ്പിക്കുന്നത്. വില ഉയരുന്നത് വിവാഹം പോലുള്ള ആവശ്യങ്ങൾക്കായി സ്വർണം വാങ്ങുന്നതിൽ വലിയ കുറവ് രേഖപ്പെടുത്തി. വിൽപന ഇടിഞ്ഞതോടെ സംസ്ഥാനത്തെ സ്വർണ വ്യാപാര മേഖല കനത്ത പ്രതിസന്ധിയിലാണ്.