2024-25 സാമ്പത്തിക വര്‍ഷത്തില്‍ നികുതി, സേവിംഗ്‌സ് എന്നിവയില്‍ ശ്രദ്ധിക്കേണ്ട പ്രധാന കാര്യങ്ങള്‍
നികുതി വ്യവസ്ഥ: 2024 ലെ ഇടക്കാല ബജറ്റ് പ്രകാരം നിലവിലെ നികുതി വ്യവസ്ഥ ഡീഫോള്‍ട്ടാണ്. പഴയ നികുതി വ്യവസ്ഥയ്ക്ക് കീഴിലുള്ള ആനുകൂല്യങ്ങള്‍ ലഭിക്കണമെങ്കില്‍ റിട്ടേണ്‍ ഫയല്‍ ചെയ്യുമ്പോള്‍ നികുതി വ്യവസ്ഥ ഏതെന്ന് പ്രത്യേകം തെരഞ്ഞെടുക്കേണ്ടതാണ്.
നികുതി ലാഭിക്കല്‍ ഓപ്ഷനുകള്‍:
സെക്ഷന്‍ 80സി പ്രകാരമുള്ള കിഴിവുകള്‍: സെക്ഷന്‍ 80സി പ്രകാരം 1.5 ലക്ഷം രൂപ വരെയുള്ള നിക്ഷേപങ്ങള്‍ക്കുള്ള കിഴിവുകള്‍ നിങ്ങള്‍ക്ക് ക്ലെയിം ചെയ്യാവുന്നതാണ്. ഇതിലുള്‍പ്പെട്ടിരിക്കുന്ന പ്രധാന പദ്ധതികള്‍ ഏതെല്ലാമാണെന്ന് നോക്കാം;
advertisement
- പബ്ലിക് പ്രോവിഡന്റ് ഫണ്ട്
-എംപ്ലോയീസ് പ്രോവിഡന്റ് ഫണ്ട്
-ഇക്വറ്റി ലിങ്ക്ഡ് സേവിംഗ്‌സ് സ്‌കീം
- നാഷണല്‍ സേവിംഗ്‌സ് സര്‍ട്ടിഫിക്കറ്റ്.
- സുകന്യ സമൃദ്ധി യോജന
നികുതി സ്ലാബുകളും നിരക്കുകളും: 2024-25 സാമ്പത്തിക വര്‍ഷത്തിലെ ബജറ്റില്‍ അവതരിപ്പിച്ച നികുതി നിരക്കുകളെപ്പറ്റി ഒരു ധാരണയുണ്ടാക്കിയെടുക്കുക.
എന്‍പിഎസ് സംഭാവന: 80സിസിഡി (1ബി) പ്രകാരം നികുതി ആനുകൂല്യങ്ങള്‍ക്കായി എന്‍പിഎസിലേക്ക് പണം നിക്ഷേപിക്കാന്‍ ശ്രദ്ധിക്കുക.
ഹെല്‍ത്ത് ഇന്‍ഷുറന്‍സ്: സെക്ഷന്‍ 80 ഡി പ്രകാരം കിഴിവുകള്‍ ലഭിക്കുന്നതിന് ഹെല്‍ത്ത് ഇന്‍ഷുറന്‍സ് പോളിസികളില്‍ നിക്ഷേപം നടത്തുക.
വിദ്യാഭ്യാസ വായ്പ: വിദ്യാഭ്യാസ വായ്പയ്ക്ക് നല്‍കുന്ന പലിശ സെക്ഷന്‍ 80 ഇ പ്രകാരം കിഴിവിന് അര്‍ഹമാണ്.
ദീര്‍ഘകാല മൂലധന നേട്ടം(LTCG): ഓഹരി നിക്ഷേപങ്ങളില്‍ നിന്നും ഭൂമി ഇടപാടുകളില്‍ നിന്നുമുള്ള ദീര്‍ഘകാല മൂലധന നേട്ടത്തിലെ നികുതിയുമായി ബന്ധപ്പെട്ട ഫലങ്ങളെക്കുറിച്ച് ഒരു ധാരണയുണ്ടാക്കിയെടുക്കുക.
ഫോം 15G/15H: നിങ്ങളുടെ മൊത്തവരുമാനം നികുതി പരിധിയ്ക്ക് താഴെയാണെങ്കില്‍ പലിശ വരുമാനത്തില്‍ നിന്ന് ടിഡിഎസ് ഒഴിവാക്കാന്‍ ബാങ്കുകള്‍ക്കും മറ്റ് ധനകാര്യ സ്ഥാപനങ്ങള്‍ക്കും ഫോം 15 ജി, 15എച്ച് എന്നിവ സമര്‍പ്പിക്കണം.
ഗിഫ്റ്റ് ടാക്‌സ്: ഗിഫ്റ്റ് ടാക്‌സിന്റെ പ്രത്യാഘാതങ്ങളെക്കുറിച്ച് ധാരണയുണ്ടാകണം
എമര്‍ജന്‍സി ഫണ്ട്: അപ്രതീക്ഷിത ചെലവുകളും മറ്റും നേരിടുന്നതിന് ഒരു എമര്‍ജന്‍സി ഫണ്ട് എപ്പോഴും നിലനിര്‍ത്തി പോരുക.
നികുതി വിദഗ്ധരുമായി കൂടിയാലോചിക്കുക: നികുതി വ്യവസ്ഥയുമായി ബന്ധപ്പെട്ടുള്ള ആശങ്കകള്‍ പരിഹരിക്കാന്‍ സാമ്പത്തിക വിദഗ്ധരില്‍ നിന്ന് ഉപദേശം സ്വീകരിക്കുന്നതാണ് ഉചിതം.
മികച്ച ആസൂത്രണം
-നികുതി ലാഭിക്കല്‍ നിക്ഷേപം നടത്താന്‍ അവസാന നിമിഷം വരെ കാത്തിരിക്കരുത്. കൃത്യമായ അച്ചടക്കത്തോടെ അവയോരോന്നും ചെയ്ത് തീര്‍ക്കണം.
-നിങ്ങളുടെ വരുമാനത്തിന് അനുസരിച്ചുള്ള നികുതി വ്യവസ്ഥ തെരഞ്ഞെടുക്കാന്‍ പ്രത്യേകം ശ്രദ്ധിക്കണം.
-സാമ്പത്തിക ലക്ഷ്യങ്ങള്‍ക്ക് അനുസരിച്ചുള്ള നികുതി ലാഭിക്കല്‍ നിക്ഷേപം തെരഞ്ഞെടുക്കുക.