എരുമപ്പെട്ടി പാഴിയോട്ടുമുറി നരസിംഹ മൂര്‍ത്തിക്ഷേത്രത്തിലാണ് ലോക്ക്ഡൗണ്‍ നിയന്ത്രണങ്ങള്‍ ലംഘിച്ച് ഭാഗവത പാരായണം നടന്നത്.
ഇതേത്തുടർന്ന് ലോക്ക്ഡൗണ്‍ നിയന്ത്രണങ്ങള്‍ ലംഘിച്ചതിന് പൊലീസ് കേസെടുക്കുകയും നാലുപേരെ അറസ്റ്റ് ചെയ്യുകയും ചെയ്തു. മതപ്രഭാഷണത്തിനായി ഒത്തു കൂടിയ നാരായണൻ, ഗോപി, സുധനൻ, ചന്ദ്രൻ എന്നിവരെയാണ് എരുമപ്പെട്ടി ഇൻസ്പെക്ടർ ഭൂപേഷിൻെറ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.
വെള്ളിയാഴ്ച രാവിലെ ഏഴരയോടെ നടന്ന പരിപാടിയിൽ നിരവധി പേർ പങ്കെടുത്തതായി ആരോപണമുണ്ട്. സ്ത്രീകളും കുട്ടികളും ഉൾപ്പെടെ ചടങ്ങിൽ പങ്കെടുത്തതായാണ് വിവരം.
advertisement
TRENDING:മദ്യം വാങ്ങാൻ ഓൺലൈൻ ആപ്പ്; സാധ്യതകൾ പരിശോധിക്കാൻ എക്സൈസ് വകുപ്പ് [NEWS]ബെന്യാമിനെ പോരാളി ഷാജിയുടെ അഡ്മിനാക്കുന്നതാണ് ഉചിതം: കെ.എസ് ശബരിനാഥൻ MLA [NEWS]നെയ്മറിന് ഫുട്ബോൾ മാത്രമല്ല അഭിനയവും അറിയാം; മണി ഹീസ്റ്റിൽ നെയ്മറിനെ കണ്ടിട്ട് മനസിലാകാത്തവരുണ്ടോ ? [NEWS]
എന്നാൽ മതപരമായ പൊതു ചടങ്ങ് നടത്തിയതിനാണ് കേസ് എടുത്തതെന്ന് പൊലീസ് വ്യക്തമാക്കുന്നു.
ഐ പി സി 188, 269, 34 വകുപ്പുകൾ കേരള പ്രകാരവും പകർച്ചവ്യാധി ഓർഡിനൻസ് 2020 4(2)(a) r/w 5 പ്രകാരവുമാണ് ഇവർക്കെതിരെ കേസ് എടുത്തത്.
അറസ്റ്റ് ചെയ്തവരെ പോലീസ് ജാമ്യത്തിൽ വിട്ടയച്ചു.