അവർ രണ്ടുപേരും കയറുന്ന ബസിൽ ഭാര്യയ്ക്കും മകൾക്കുമൊപ്പം കയറില്ലെന്ന് ഹർഭജൻ

ഹർദ്ദിക് പാണ്ഡ്യയും രാഹുലും പറഞ്ഞതുപോലെയുള്ള സംഭാഷണം സുഹൃത്തുക്കൾക്കൊപ്പം ഇരിക്കുമ്പോൾ പോലും താൻ പറയാറില്ലെന്ന് ഹർഭജൻ പറഞ്ഞു. പക്ഷേ അവർ ടിവി പരിപാടിയിൽ പറഞ്ഞിരിക്കുന്നു. ക്രിക്കറ്റർമാരെക്കുറിച്ച് വലിയ അവമതിപ്പ് ഉണ്ടാക്കുന്നതാണ് ഇത്. താനും സച്ചിനുമൊക്കെ ഇങ്ങനെയാണെന്ന് ആളുകൾ കരുതാൻ ഇത് കാരണമാകുമെന്നും ഹർഭജൻ പറഞ്ഞു.

സ്ത്രീ വിരുദ്ധ പരാമർശം: ഹർദ്ദിക് പാണ്ഡ്യയ്ക്കും കെ.എൽ രാഹുലിനും വിലക്ക്

ബോളിവുഡ് സംവിധായകൻ കരൻ ജോഹറിന്‍റെ പ്രശസ്ത ടിവി പരിപാടിയായ 'കോഫി വിത്ത് കരണ്‍'-ൽ സ്ത്രീകൾക്കെതിരെ നടത്തിയ പരാമർശനങ്ങളാണ് ഹർദ്ദിക് പാണ്ഡ്യയെയും കെ.എൽ രാഹുലിനെയും വിവാദത്തിലാക്കിയത്. ഇതേത്തുടർന്ന് ഇരുവരെയും ഓസ്ട്രേലിയയ്ക്കെതിരായ ഏകദിന പരമ്പരയിൽനിന്ന് ഒഴിവാക്കുകയും നാട്ടിലേക്ക് പറഞ്ഞയയ്ക്കുകയും ചെയ്തു. ഇരുവരും അന്വേഷണം നേരിടണമെന്ന് ബിസിസിഐ ഉന്നതാധികാര സമിതി ചെയർമാൻ വിനോദ് റായ് വ്യക്തമാക്കിയിരുന്നു.

advertisement